1Kings:2:1-12
vul@1Kings:2:1 @ adpropinquaverant autem dies David ut moreretur praecepitque Salomoni filio suo dicens
vul@1Kings:2:2 @ ego ingredior viam universae terrae confortare et esto vir
vul@1Kings:2:3 @ et observa custodias Domini Dei tui ut ambules in viis eius et custodias caerimonias eius et praecepta eius et iudicia et testimonia sicut scriptum est in lege Mosi ut intellegas universa quae facis et quocumque te verteris
vul@1Kings:2:4 @ ut confirmet Dominus sermones suos quos locutus est de me dicens si custodierint filii tui viam suam et ambulaverint coram me in veritate in omni corde suo et in omni anima sua non auferetur tibi vir de solio Israhel
vul@1Kings:2:5 @ tu quoque nosti quae fecerit mihi Ioab filius Sarviae quae fecerit duobus principibus exercitus Israhel Abner filio Ner et Amasa filio Iether quos occidit et effudit sanguinem belli in pace et posuit cruorem proelii in balteo suo qui erat circa lumbos eius et in calciamento suo quod erat in pedibus eius
vul@1Kings:2:6 @ facies ergo iuxta sapientiam tuam et non deduces canitiem eius pacifice ad inferos
vul@1Kings:2:7 @ sed et filiis Berzellai Galaaditis reddes gratiam eruntque comedentes in mensa tua occurrerunt enim mihi quando fugiebam a facie Absalom fratris tui
vul@1Kings:2:8 @ habes quoque apud te Semei filium Gera filii Iemini de Baurim qui maledixit mihi maledictione pessima quando ibam ad Castra sed quia descendit mihi in occursum cum transirem Iordanem et iuravi ei per Dominum dicens non te interficiam gladio
vul@1Kings:2:9 @ tu noli pati esse eum innoxium vir autem sapiens es et scies quae facias ei deducesque canos eius cum sanguine ad infernum
vul@1Kings:2:10 @ dormivit igitur David cum patribus suis et sepultus est in civitate David
vul@1Kings:2:11 @ dies autem quibus regnavit David super Israhel quadraginta anni sunt in Hebron regnavit septem annis in Hierusalem triginta tribus
vul@1Kings:2:12 @ Salomon autem sedit super thronum David patris sui et firmatum est regnum eius nimis