vul - 1Kings:3:1-15

vul@1Kings:3:1 @ confirmatum est igitur regnum in manu Salomonis et adfinitate coniunctus est Pharaoni regi Aegypti accepit namque filiam eius et adduxit in civitatem David donec conpleret aedificans domum suam et domum Domini et murum Hierusalem per circuitum

vul@1Kings:3:2 @ et tamen populus immolabat in excelsis non enim aedificatum erat templum nomini Domini usque in die illo

vul@1Kings:3:3 @ dilexit autem Salomon Dominum ambulans in praeceptis David patris sui excepto quod in excelsis immolabat et accendebat thymiama

vul@1Kings:3:4 @ abiit itaque in Gabaon ut immolaret ibi illud quippe erat excelsum maximum mille hostias in holocaustum obtulit Salomon super altare illud in Gabaon

vul@1Kings:3:5 @ apparuit Dominus Salomoni per somnium nocte dicens postula quod vis ut dem tibi

vul@1Kings:3:6 @ et ait Salomon tu fecisti cum servo tuo David patre meo misericordiam magnam sicut ambulavit in conspectu tuo in veritate et iustitia et recto corde tecum custodisti ei misericordiam tuam grandem et dedisti ei filium sedentem super thronum eius sicut et hodie

vul@1Kings:3:7 @ et nunc Domine Deus tu regnare fecisti servum tuum pro David patre meo ego autem sum puer parvus et ignorans egressum et introitum meum

vul@1Kings:3:8 @ et servus tuus in medio est populi quem elegisti populi infiniti qui numerari et supputari non potest prae multitudine

vul@1Kings:3:9 @ dabis ergo servo tuo cor docile ut iudicare possit populum tuum et discernere inter malum et bonum quis enim potest iudicare populum istum populum tuum hunc multum

vul@1Kings:3:10 @ placuit ergo sermo coram Domino quod Salomon rem huiuscemodi postulasset

vul@1Kings:3:11 @ et dixit Deus Salomoni quia postulasti verbum hoc et non petisti tibi dies multos nec divitias aut animam inimicorum tuorum sed postulasti tibi sapientiam ad discernendum iudicium

vul@1Kings:3:12 @ ecce feci tibi secundum sermones tuos et dedi tibi cor sapiens et intellegens in tantum ut nullus ante te similis tui fuerit nec post te surrecturus sit

vul@1Kings:3:13 @ sed et haec quae non postulasti dedi tibi divitias scilicet et gloriam ut nemo fuerit similis tui in regibus cunctis retro diebus

vul@1Kings:3:14 @ si autem ambulaveris in viis meis et custodieris praecepta mea et mandata mea sicut ambulavit pater tuus longos faciam dies tuos

vul@1Kings:3:15 @ igitur evigilavit Salomon et intellexit quod esset somnium cumque venisset Hierusalem stetit coram arca foederis Domini et obtulit holocausta et fecit victimas pacificas et grande convivium universis famulis suis