vul - 1Kings:8:1-21

vul@1Kings:8:1 @ tunc congregavit omnes maiores natu Israhel cum principibus tribuum et duces familiarum filiorum Israhel ad regem Salomonem in Hierusalem ut deferrent arcam foederis Domini de civitate David id est de Sion

vul@1Kings:8:2 @ convenitque ad regem Salomonem universus Israhel in mense hethanim in sollemni die ipse est mensis septimus

vul@1Kings:8:3 @ veneruntque cuncti senes ex Israhel et tulerunt sacerdotes arcam

vul@1Kings:8:4 @ et portaverunt arcam Domini et tabernaculum foederis et omnia vasa sanctuarii quae erant in tabernaculo et ferebant ea sacerdotes et Levitae

vul@1Kings:8:5 @ rex autem Salomon et omnis multitudo Israhel quae convenerat ad eum gradiebatur cum illo ante arcam et immolabant oves et boves absque aestimatione et numero

vul@1Kings:8:6 @ et intulerunt sacerdotes arcam foederis Domini in locum suum in oraculum templi in sanctum sanctorum subter alas cherubin

vul@1Kings:8:7 @ siquidem cherubin expandebant alas super locum arcae et protegebant arcam et vectes eius desuper

vul@1Kings:8:8 @ cumque eminerent vectes et apparerent summitates eorum foris sanctuarium ante oraculum non apparebant ultra extrinsecus qui et fuerunt ibi usque in praesentem diem

vul@1Kings:8:9 @ in arca autem non est aliud nisi duae tabulae lapideae quas posuerat in ea Moses in Horeb quando pepigit foedus Dominus cum filiis Israhel cum egrederentur de terra Aegypti

vul@1Kings:8:10 @ factum est autem cum exissent sacerdotes de sanctuario nebula implevit domum Domini

vul@1Kings:8:11 @ et non poterant sacerdotes stare et ministrare propter nebulam impleverat enim gloria Domini domum Domini

vul@1Kings:8:12 @ tunc ait Salomon Dominus dixit ut habitaret in nebula

vul@1Kings:8:13 @ aedificans aedificavi domum in habitaculum tuum firmissimum solium tuum in sempiternum

vul@1Kings:8:14 @ convertitque rex faciem suam et benedixit omni ecclesiae Israhel omnis enim ecclesia Israhel stabat

vul@1Kings:8:15 @ et ait benedictus Dominus Deus Israhel qui locutus est ore suo ad David patrem meum et in manibus eius perfecit dicens

vul@1Kings:8:16 @ a die qua eduxi populum meum Israhel de Aegypto non elegi civitatem de universis tribubus Israhel ut aedificaretur domus et esset nomen meum ibi sed elegi David ut esset super populum meum Israhel

vul@1Kings:8:17 @ voluitque David pater meus aedificare domum nomini Domini Dei Israhel

vul@1Kings:8:18 @ et ait Dominus ad David patrem meum quod cogitasti in corde tuo aedificare domum nomini meo bene fecisti hoc ipsum mente tractans

vul@1Kings:8:19 @ verumtamen tu non aedificabis domum sed filius tuus qui egredietur de renibus tuis ipse aedificabit domum nomini meo

vul@1Kings:8:20 @ confirmavit Dominus sermonem suum quem locutus est stetique pro David patre meo et sedi super thronum Israhel sicut locutus est Dominus et aedificavi domum nomini Domini Dei Israhel

vul@1Kings:8:21 @ et constitui ibi locum arcae in qua foedus est Domini quod percussit cum patribus nostris quando egressi sunt de terra Aegypti