vul - 1Peter:1:13-2:3

vul@1Peter:1:13 @ propter quod succincti lumbos mentis vestrae sobrii perfecte sperate in eam quae offertur vobis gratiam in revelatione Iesu Christi

vul@1Peter:1:14 @ quasi filii oboedientiae non configurati prioribus ignorantiae vestrae desideriis

vul@1Peter:1:15 @ sed secundum eum qui vocavit vos sanctum et ipsi sancti in omni conversatione sitis

vul@1Peter:1:16 @ quoniam scriptum est sancti eritis quia ego sanctus sum

vul@1Peter:1:17 @ et si Patrem invocatis eum qui sine acceptione personarum iudicat secundum uniuscuiusque opus in timore incolatus vestri tempore conversamini

vul@1Peter:1:18 @ scientes quod non corruptibilibus argento vel auro redempti estis de vana vestra conversatione paternae traditionis

vul@1Peter:1:19 @ sed pretioso sanguine quasi agni incontaminati et inmaculati Christi

vul@1Peter:1:20 @ praecogniti quidem ante constitutionem mundi manifestati autem novissimis temporibus propter vos

vul@1Peter:1:21 @ qui per ipsum fideles estis in Deo qui suscitavit eum a mortuis et dedit ei gloriam ut fides vestra et spes esset in Deo

vul@1Peter:1:22 @ animas vestras castificantes in oboedientia caritatis in fraternitatis amore simplici ex corde invicem diligite adtentius

vul@1Peter:1:23 @ renati non ex semine corruptibili sed incorruptibili per verbum Dei vivi et permanentis

vul@1Peter:1:24 @ quia omnis caro ut faenum et omnis gloria eius tamquam flos faeni exaruit faenum et flos decidit

vul@1Peter:1:25 @ verbum autem Domini manet in aeternum hoc est autem verbum quod evangelizatum est in vos

vul@1Peter:2:1 @ deponentes igitur omnem malitiam et omnem dolum et simulationes et invidias et omnes detractiones

vul@1Peter:2:2 @ sicut modo geniti infantes rationale sine dolo lac concupiscite ut in eo crescatis in salutem

vul@1Peter:2:3 @ si gustastis quoniam dulcis Dominus