vul - 1Peter:1:3-12

vul@1Peter:1:3 @ benedictus Deus et Pater Domini nostri Iesu Christi qui secundum magnam misericordiam suam regeneravit nos in spem vivam per resurrectionem Iesu Christi ex mortuis

vul@1Peter:1:4 @ in hereditatem incorruptibilem et incontaminatam et inmarcescibilem conservatam in caelis in vobis

vul@1Peter:1:5 @ qui in virtute Dei custodimini per fidem in salutem paratam revelari in tempore novissimo

vul@1Peter:1:6 @ in quo exultatis modicum nunc si oportet contristati in variis temptationibus

vul@1Peter:1:7 @ ut probatum vestrae fidei multo pretiosius sit auro quod perit per ignem probato inveniatur in laudem et gloriam et honorem in revelatione Iesu Christi

vul@1Peter:1:8 @ quem cum non videritis diligitis in quem nunc quoque non videntes credentes autem exultatis laetitia inenarrabili et glorificata

vul@1Peter:1:9 @ reportantes finem fidei vestrae salutem animarum

vul@1Peter:1:10 @ de qua salute exquisierunt atque scrutati sunt prophetae qui de futura in vobis gratia prophetaverunt

vul@1Peter:1:11 @ scrutantes in quod vel quale tempus significaret in eis Spiritus Christi praenuntians eas quae in Christo sunt passiones et posteriores glorias

vul@1Peter:1:12 @ quibus revelatum est quia non sibi ipsis vobis autem ministrabant ea quae nunc nuntiata sunt vobis per eos qui evangelizaverunt vos Spiritu Sancto misso de caelo in quae desiderant angeli prospicere