cebuano_ang_biblia_pinadayag

cebuano_ang_biblia_pinadayag@1Peter:2:13 @ ¶ Tungod sa Ginoo, kinahanglan magpasakop kamo nga masinugtanon sa tanang tawhanong pagbulot-an, sa emperador ingon nga maoy labaw sa tanan,

cebuano_ang_biblia_pinadayag@1Peter:2:14 @ o sa mga gobernador nga iyang pinadala aron sa pagsilot niadtong magabuhat ug dautan, ug sa pagdayeg niadtong magabuhat ug maayo.

cebuano_ang_biblia_pinadayag@1Peter:2:15 @ Kay maoy kabubut-on sa Dios nga pinaagi sa pagbuhat ug maayo inyong mapahilum ang pagkawalay alamag sa mga tawong kulangkulang.

cebuano_ang_biblia_pinadayag@1Peter:2:16 @ Pagkinabuhi kamo ingon nga mga tawong may kagawasan, mao lamang nga dili ninyo paggamiton ang inyong kagawasan ingon nga takuban sa pagbuhat ug dautan; pagkinabuhi kamo ingon nga mga ulipon sa Dios.

cebuano_ang_biblia_pinadayag@1Peter:2:17 @ Tahura ninyo ang tanang tawo. Higugmaa ninyo ang kaigsoonan. Kahadloki ninyo ang Dios. Pasidunggi ninyo ang emperador.

cebuano_ang_biblia_pinadayag@1Peter:2:18 @ Mga binatonan, magpasakop kamo nga masinugtanon sa inyong mga agalon uban sa bug-os nga pagkamatinahuron, dili lamang sa mga agalon ra nga mga mapuanguron ug maayog batasan kondili bisan pa usab kanila nga mga masuk-anon.

cebuano_ang_biblia_pinadayag@1Peter:2:19 @ Kay takus gayud sa pagpasalamat kon ang usa ka tawo, tungod sa iyang kahibalo sa Dios, moantus sa mga kasakit nga igapahamtang kaniya bisan siya dili sad-an.

cebuano_ang_biblia_pinadayag@1Peter:2:20 @ Kay kon kamo makapailub sa mga pagbokbok kaninyo inigpakasala ninyo, unsa may dalaygon niini? Apan kon makapailub man kamo sa diha nga magabuhat kamog matarung ug paantuson tungod niini, nan, kamo kahimut-an sa Dios.

cebuano_ang_biblia_pinadayag@1Peter:2:21 @ Kay sa maong paggawi gipanagtawag kamo, maingon nga alang kaninyo miantus man usab si Cristo, nga nagbilin kaninyog usa ka panig-ingnan aron kamo managsunod sa iyang mga tunob.

cebuano_ang_biblia_pinadayag@1Peter:2:22 @ Siya walay nahimo nga pagpakasala; walay hingkaplagang limbong diha sa iyang baba.

cebuano_ang_biblia_pinadayag@1Peter:2:23 @ Sa gisultihan siyag pasipala, wala siya mobalus pagsultig pasipala; sa nag-antus siya, wala siya manghulga; hinonoa gisalig lamang niya ang tanan ngadto kaniya nga nagapanghukom uban sa katarungan.

cebuano_ang_biblia_pinadayag@1Peter:2:24 @ Siya gayud mao ang midala sa atong mga sala diha sa iyang lawas ngadto sa kahoy, aron kita mamatay ngadto sa sala ug mabuhi ngadto sa pagkamatarung. Pinaagi sa iyang mga samad kamo nangaayo.

cebuano_ang_biblia_pinadayag@1Peter:2:25 @ Kay samag mga karnero kamo kaniadto nanghisalaag, apan karon kamo nahibalik na sa Magbalantay ug Magdudumala sa inyong mga kalag.

1Peter:2:13-25