vul - 1Samuel:1:1-20

vul@1Samuel:1:1 @ fuit vir unus de Ramathaimsophim de monte Ephraim et nomen eius Helcana filius Hieroam filii Heliu filii Thau filii Suph Ephratheus

vul@1Samuel:1:2 @ et habuit duas uxores nomen uni Anna et nomen secundae Fenenna fueruntque Fenennae filii Annae autem non erant liberi

vul@1Samuel:1:3 @ et ascendebat vir ille de civitate sua statutis diebus ut adoraret et sacrificaret Domino exercituum in Silo erant autem ibi duo filii Heli Ofni et Finees sacerdotes Domini

vul@1Samuel:1:4 @ venit ergo dies et immolavit Helcana deditque Fenennae uxori suae et cunctis filiis eius et filiabus partes

vul@1Samuel:1:5 @ Annae autem dedit partem unam tristis quia Annam diligebat Dominus autem concluserat vulvam eius

vul@1Samuel:1:6 @ adfligebat quoque eam aemula eius et vehementer angebat in tantum ut exprobraret quod conclusisset Dominus vulvam eius

vul@1Samuel:1:7 @ sicque faciebat per singulos annos cum redeunte tempore ascenderent templum Domini et sic provocabat eam porro illa flebat et non capiebat cibum

vul@1Samuel:1:8 @ dixit ergo ei Helcana vir suus Anna cur fles et quare non comedis et quam ob rem adfligitur cor tuum numquid non ego melior sum tibi quam decem filii

vul@1Samuel:1:9 @ surrexit autem Anna postquam comederat in Silo et biberat et Heli sacerdote sedente super sellam ante postes templi Domini

vul@1Samuel:1:10 @ cum esset amaro animo oravit Dominum flens largiter

vul@1Samuel:1:11 @ et votum vovit dicens Domine exercituum si respiciens videris adflictionem famulae tuae et recordatus mei fueris nec oblitus ancillae tuae dederisque servae tuae sexum virilem dabo eum Domino omnes dies vitae eius et novacula non ascendet super caput eius

vul@1Samuel:1:12 @ factum est ergo cum illa multiplicaret preces coram Domino ut Heli observaret os eius

vul@1Samuel:1:13 @ porro Anna loquebatur in corde suo tantumque labia illius movebantur et vox penitus non audiebatur aestimavit igitur eam Heli temulentam

vul@1Samuel:1:14 @ dixitque ei usquequo ebria eris digere paulisper vinum quo mades

vul@1Samuel:1:15 @ respondens Anna nequaquam inquit domine mi nam mulier infelix nimis ego sum vinumque et omne quod inebriare potest non bibi sed effudi animam meam in conspectu Domini

vul@1Samuel:1:16 @ ne reputes ancillam tuam quasi unam de filiabus Belial quia ex multitudine doloris et maeroris mei locuta sum usque in praesens

vul@1Samuel:1:17 @ tunc Heli ait ei vade in pace et Deus Israhel det tibi petitionem quam rogasti eum

vul@1Samuel:1:18 @ et illa dixit utinam inveniat ancilla tua gratiam in oculis tuis et abiit mulier in viam suam et comedit vultusque eius non sunt amplius in diversa mutati

vul@1Samuel:1:19 @ et surrexerunt mane et adoraverunt coram Domino reversique sunt et venerunt in domum suam Ramatha cognovit autem Helcana Annam uxorem suam et recordatus est eius Dominus

vul@1Samuel:1:20 @ et factum est post circulum dierum concepit Anna et peperit filium vocavitque nomen eius Samuhel eo quod a Domino postulasset eum