vul - 1Samuel:16:14-23

vul@1Samuel:16:14 @ spiritus autem Domini recessit a Saul et exagitabat eum spiritus nequam a Domino

vul@1Samuel:16:15 @ dixeruntque servi Saul ad eum ecce spiritus Dei malus exagitat te

vul@1Samuel:16:16 @ iubeat dominus noster et servi tui qui coram te sunt quaerant hominem scientem psallere cithara ut quando arripuerit te spiritus Dei malus psallat manu sua et levius feras

vul@1Samuel:16:17 @ et ait Saul ad servos suos providete mihi aliquem bene psallentem et adducite eum ad me

vul@1Samuel:16:18 @ et respondens unus de pueris ait ecce vidi filium Isai Bethleemitem scientem psallere et fortissimum robore et virum bellicosum et prudentem in verbis et virum pulchrum et Dominus est cum eo

vul@1Samuel:16:19 @ misit ergo Saul nuntios ad Isai dicens mitte ad me David filium tuum qui est in pascuis

vul@1Samuel:16:20 @ tulitque Isai asinum plenum panibus et lagoenam vini et hedum de capris unum et misit per manum David filii sui Saul

vul@1Samuel:16:21 @ et venit David ad Saul et stetit coram eo at ille dilexit eum nimis et factus est eius armiger

vul@1Samuel:16:22 @ misitque Saul ad Isai dicens stet David in conspectu meo invenit enim gratiam in oculis meis

vul@1Samuel:16:23 @ igitur quandocumque spiritus Dei arripiebat Saul tollebat David citharam et percutiebat manu sua et refocilabatur Saul et levius habebat recedebat enim ab eo spiritus malus