vul - 1Samuel:2:12-26

vul@1Samuel:2:12 @ porro filii Heli filii Belial nescientes Dominum

vul@1Samuel:2:13 @ neque officium sacerdotum ad populum sed quicumque immolasset victimam veniebat puer sacerdotis dum coquerentur carnes et habebat fuscinulam tridentem in manu sua

vul@1Samuel:2:14 @ et mittebat eam in lebetem vel in caldariam aut in ollam sive in caccabum et omne quod levabat fuscinula tollebat sacerdos sibi sic faciebant universo Israheli venientium in Silo

vul@1Samuel:2:15 @ etiam antequam adolerent adipem veniebat puer sacerdotis et dicebat immolanti da mihi carnem ut coquam sacerdoti non enim accipiam a te carnem coctam sed crudam

vul@1Samuel:2:16 @ dicebatque illi immolans incendatur primum iuxta morem hodie adeps et tolle tibi quantumcumque desiderat anima tua qui respondens aiebat ei nequaquam nunc enim dabis alioquin tollam vi

vul@1Samuel:2:17 @ erat ergo peccatum puerorum grande nimis coram Domino quia detrahebant homines sacrificio Domini

vul@1Samuel:2:18 @ Samuhel autem ministrabat ante faciem Domini puer accinctus ephod lineo

vul@1Samuel:2:19 @ et tunicam parvam faciebat ei mater sua quam adferebat statutis diebus ascendens cum viro suo ut immolaret hostiam sollemnem

vul@1Samuel:2:20 @ et benedixit Heli Helcanae et uxori eius dixitque reddat Dominus tibi semen de muliere hac pro fenore quod commodasti Domino et abierunt in locum suum

vul@1Samuel:2:21 @ visitavit ergo Dominus Annam et concepit et peperit tres filios et duas filias et magnificatus est puer Samuhel apud Dominum

vul@1Samuel:2:22 @ Heli autem erat senex valde et audivit omnia quae faciebant filii sui universo Israheli et quomodo dormiebant cum mulieribus quae observabant ad ostium tabernaculi

vul@1Samuel:2:23 @ et dixit eis quare facitis res huiuscemodi quas ego audio res pessimas ab omni populo

vul@1Samuel:2:24 @ nolite filii mi non enim est bona fama quam ego audio ut transgredi faciatis populum Domini

vul@1Samuel:2:25 @ si peccaverit vir in virum placari ei potest Deus si autem in Domino peccaverit vir quis orabit pro eo et non audierunt vocem patris sui quia voluit Dominus occidere eos

vul@1Samuel:2:26 @ puer autem Samuhel proficiebat atque crescebat et placebat tam Deo quam hominibus