vul - 1Samuel:23:7-29

vul@1Samuel:23:7 @ nuntiatum est autem Saul quod venisset David in Ceila et ait Saul tradidit eum Deus in manus meas conclususque est introgressus urbem in qua portae et serae

vul@1Samuel:23:8 @ et praecepit Saul omni populo ut ad pugnam descenderet in Ceila et obsideret David et viros eius

vul@1Samuel:23:9 @ quod cum rescisset David quia praepararet ei Saul clam malum dixit ad Abiathar sacerdotem adplica ephod

vul@1Samuel:23:10 @ et ait David Domine Deus Israhel audivit famam servus tuus quod disponat Saul venire ad Ceila ut evertat urbem propter me

vul@1Samuel:23:11 @ si tradent me viri Ceila in manus eius et si descendet Saul sicut audivit servus tuus Domine Deus Israhel indica servo tuo et ait Dominus descendet

vul@1Samuel:23:12 @ dixitque David si tradent viri Ceilae me et viros qui sunt mecum in manu Saul et dixit Dominus tradent

vul@1Samuel:23:13 @ surrexit ergo David et viri eius quasi sescenti et egressi de Ceila huc atque illuc vagabantur incerti nuntiatumque est Saul quod fugisset David de Ceila quam ob rem dissimulavit exire

vul@1Samuel:23:14 @ morabatur autem David in deserto in locis firmissimis mansitque in monte solitudinis Ziph quaerebat tamen eum Saul cunctis diebus et non tradidit eum Deus in manus eius

vul@1Samuel:23:15 @ et vidit David quod egressus esset Saul ut quaereret animam eius porro David erat in deserto Ziph in silva

vul@1Samuel:23:16 @ et surrexit Ionathan filius Saul et abiit ad David in silva et confortavit manus eius in Deo dixitque ei

vul@1Samuel:23:17 @ ne timeas neque enim inveniet te manus Saul patris mei et tu regnabis super Israhel et ego ero tibi secundus sed et Saul pater meus scit hoc

vul@1Samuel:23:18 @ percussit igitur uterque foedus coram Domino mansitque David in silva Ionathas autem reversus est in domum suam

vul@1Samuel:23:19 @ ascenderunt autem Ziphei ad Saul in Gabaa dicentes nonne David latitat apud nos in locis tutissimis silvae in colle Achilae quae est ad dexteram deserti

vul@1Samuel:23:20 @ nunc ergo sicut desideravit anima tua ut descenderes descende nostrum autem erit ut tradamus eum in manus regis

vul@1Samuel:23:21 @ dixitque Saul benedicti vos a Domino quia doluistis vicem meam

vul@1Samuel:23:22 @ abite oro et diligentius praeparate et curiosius agite et considerate locum ubi sit pes eius vel quis viderit eum ibi recogitat enim de me quod callide insidier ei

vul@1Samuel:23:23 @ considerate et videte omnia latibula eius in quibus absconditur et revertimini ad me ad rem certam ut vadam vobiscum quod si etiam in terra se abstruserit perscrutabor eum in cunctis milibus Iuda

vul@1Samuel:23:24 @ at illi surgentes abierunt in Ziph ante Saul David autem et viri eius erant in deserto Maon in campestribus ad dextram Iesimuth

vul@1Samuel:23:25 @ ivit ergo Saul et socii eius ad quaerendum et nuntiatum est David statimque descendit ad petram et versabatur in deserto Maon quod cum audisset Saul persecutus est David in deserto Maon

vul@1Samuel:23:26 @ et ibat Saul ad latus montis ex parte una David autem et viri eius erant in latere montis ex parte altera porro David desperabat se posse evadere a facie Saul itaque Saul et viri eius in modum coronae cingebant David et viros eius ut caperent eos

vul@1Samuel:23:27 @ et nuntius venit ad Saul dicens festina et veni quoniam infuderunt se Philisthim super terram

vul@1Samuel:23:28 @ reversus est ergo Saul desistens persequi David et perrexit in occursum Philisthinorum propter hoc vocaverunt locum illum petram Dividentem