cebuano_ang_biblia_pinadayag - 1Thessalonians:4:1-12

cebuano_ang_biblia_pinadayag@1Thessalonians:4:1 @ ¶ Sa katapusan, mga igsoon, kami nagahangyo ug nagapangamuyo kaninyo diha sa Ginoong Jesus, maingon nga kamo nagpakakat-on man gikan kanamo unsaon sa pagkinabuhi ug sa pagpahimuot sa Dios, sumala sa inyo nang ginabuhat karon, nga unta magalabi pa gayud ang inyong pagbuhat niini.

cebuano_ang_biblia_pinadayag@1Thessalonians:4:2 @ Kay kamo nahibalo na unsa ang mga tugon nga among gihatag kaninyo pinaagi sa Ginoong Jesus.

cebuano_ang_biblia_pinadayag@1Thessalonians:4:3 @ Kay ang pagbuot sa Dios mao kini, ang inyong pagkabinalaan: nga kamo managlikay sa pakighilawas;

cebuano_ang_biblia_pinadayag@1Thessalonians:4:4 @ nga ang matag-usa kaninyo mahibalo unta unsaon niya sa pagpangasawa diha sa kabalaan ug kadungganan,

cebuano_ang_biblia_pinadayag@1Thessalonians:4:5 @ dili sa balatian sa kaulag ingon sa mga Gentil nga wala makaila sa Dios;

cebuano_ang_biblia_pinadayag@1Thessalonians:4:6 @ aron walay bisan kinsa nga maglapas ug mamintaha sa iyang igsoon labut niining butanga, kay kining tanang mga butanga panimaslan ra sa Ginoo, sumala sa among maligdong pagpasidaan kaninyo.

cebuano_ang_biblia_pinadayag@1Thessalonians:4:7 @ Kay ang Dios wala magtawag kanato alang sa kahugawan, kondili sa kabalaanon.

cebuano_ang_biblia_pinadayag@1Thessalonians:4:8 @ Busa, bisan kinsa nga magasalikway niini, wala magasalikway sa tawo kondili sa Dios nga nagahatag sa iyang Espirito Santo kaninyo.

cebuano_ang_biblia_pinadayag@1Thessalonians:4:9 @ ¶ Apan mahitungod sa gugma alang sa mga kaigsoonan, kamo wala nay kinahanglan nga pagasulatan pa ni bisan kinsa, kay kamo gikatudloan na man sa Dios sa paghigugma ang usa sa usa;

cebuano_ang_biblia_pinadayag@1Thessalonians:4:10 @ ug sa pagkatinuod, kamo nagahigugma man sa tanang kaigsoonan sa tibuok Macedonia. Apan magatambag kami kaninyo, mga igsoon, sa paghimo niini sa labi pa gayud,

cebuano_ang_biblia_pinadayag@1Thessalonians:4:11 @ sa pagtinguha sa pagpuyo nga malinawon, sa pag-atiman sa inyong kaugalingong mga bulohaton ug sa pagbudlay ginamit ang inyong mga kamot, sumala sa among gitugon kaninyo;

cebuano_ang_biblia_pinadayag@1Thessalonians:4:12 @ aron kamo mangintakus sa pagtahud gikan sa mga tagagawas, ug dili magpasiro kang bisan kinsa.