vul - 1Timothy:5:1-6:10

vul@1Timothy:5:1 @ seniorem ne increpaveris sed obsecra ut patrem iuvenes ut fratres

vul@1Timothy:5:2 @ anus ut matres iuvenculas ut sorores in omni castitate

vul@1Timothy:5:3 @ viduas honora quae vere viduae sunt

vul@1Timothy:5:4 @ si qua autem vidua filios aut nepotes habet discant primum domum suam regere et mutuam vicem reddere parentibus hoc enim acceptum est coram Deo

vul@1Timothy:5:5 @ quae autem vere vidua est et desolata speravit in Deum et instat obsecrationibus et orationibus nocte ac die

vul@1Timothy:5:6 @ nam quae in deliciis est vivens mortua est

vul@1Timothy:5:7 @ et hoc praecipe ut inreprehensibiles sint

vul@1Timothy:5:8 @ si quis autem suorum et maxime domesticorum curam non habet fidem negavit et est infideli deterior

vul@1Timothy:5:9 @ vidua eligatur non minus sexaginta annorum quae fuerit unius viri uxor

vul@1Timothy:5:10 @ in operibus bonis testimonium habens si filios educavit si hospitio recepit si sanctorum pedes lavit si tribulationem patientibus subministravit si omne opus bonum subsecuta est

vul@1Timothy:5:11 @ adulescentiores autem viduas devita cum enim luxuriatae fuerint in Christo nubere volunt

vul@1Timothy:5:12 @ habentes damnationem quia primam fidem irritam fecerunt

vul@1Timothy:5:13 @ simul autem et otiosae discunt circumire domos non solum otiosae sed et verbosae et curiosae loquentes quae non oportet

vul@1Timothy:5:14 @ volo ergo iuveniores nubere filios procreare matres familias esse nullam occasionem dare adversario maledicti gratia

vul@1Timothy:5:15 @ iam enim quaedam conversae sunt retro Satanan

vul@1Timothy:5:16 @ si qua fidelis habet viduas subministret illis et non gravetur ecclesia ut his quae vere viduae sunt sufficiat

vul@1Timothy:5:17 @ qui bene praesunt presbyteri duplici honore digni habeantur maxime qui laborant in verbo et doctrina

vul@1Timothy:5:18 @ dicit enim scriptura non infrenabis os bovi trituranti et dignus operarius mercede sua

vul@1Timothy:5:19 @ adversus presbyterum accusationem noli recipere nisi sub duobus et tribus testibus

vul@1Timothy:5:20 @ peccantes coram omnibus argue ut et ceteri timorem habeant

vul@1Timothy:5:21 @ testor coram Deo et Christo Iesu et electis angelis ut haec custodias sine praeiudicio nihil faciens in aliam partem declinando

vul@1Timothy:5:22 @ manus cito nemini inposueris neque communicaveris peccatis alienis te ipsum castum custodi

vul@1Timothy:5:23 @ noli adhuc aquam bibere sed vino modico utere propter stomachum tuum et frequentes tuas infirmitates

vul@1Timothy:5:24 @ quorundam hominum peccata manifesta sunt praecedentia ad iudicium quosdam autem et subsequuntur

vul@1Timothy:5:25 @ similiter et facta bona manifesta sunt et quae aliter se habent abscondi non possunt

vul@1Timothy:6:1 @ quicumque sunt sub iugo servi dominos suos omni honore dignos arbitrentur ne nomen Domini et doctrina blasphemetur

vul@1Timothy:6:2 @ qui autem fideles habent dominos non contemnant quia fratres sunt sed magis serviant quia fideles sunt et dilecti qui beneficii participes sunt haec doce et exhortare

vul@1Timothy:6:3 @ si quis aliter docet et non adquiescit sanis sermonibus Domini nostri Iesu Christi et ei quae secundum pietatem est doctrinae

vul@1Timothy:6:4 @ superbus nihil sciens sed languens circa quaestiones et pugnas verborum ex quibus oriuntur invidiae contentiones blasphemiae suspiciones malae

vul@1Timothy:6:5 @ conflictationes hominum mente corruptorum et qui veritate privati sunt existimantium quaestum esse pietatem

vul@1Timothy:6:6 @ est autem quaestus magnus pietas cum sufficientia

vul@1Timothy:6:7 @ nihil enim intulimus in mundum haut dubium quia nec auferre quid possumus

vul@1Timothy:6:8 @ habentes autem alimenta et quibus tegamur his contenti sumus

vul@1Timothy:6:9 @ nam qui volunt divites fieri incidunt in temptationem et laqueum et desideria multa inutilia et nociva quae mergunt homines in interitum et perditionem

vul@1Timothy:6:10 @ radix enim omnium malorum est cupiditas quam quidam appetentes erraverunt a fide et inseruerunt se doloribus multis