alb - 1Timothy:5

alb@1Timothy:5:2 @ plakat si nëna, të rejat si motra, me plot dlirësi.

alb@1Timothy:5:3 @ Ndero vejushat që janë me të vërtetë të veja.

alb@1Timothy:5:4 @ Por në qoftë se një e ve ka djem a nipa, këta le të mësojnë më parë të tregojnë perëndishmëri ndaj atyre të familjes së vet dhe t`ua shpërblejnë prindërve të tyre, sepse kjo është e mirë dhe e pëlqyer përpara Perëndisë.

alb@1Timothy:5:5 @ Dhe ajo që është me të vërtetë e ve, dhe ka mbetur e vetme, e ka shpresën në Perëndinë dhe qëndron në lutje dhe në të falura natë e ditë.

alb@1Timothy:5:6 @ Ndërsa ajo që jeton e shthurur, ndonëse rron, është e vdekur.

alb@1Timothy:5:7 @ Porosit edhe këto gjëra, që të jenë të patëmeta.

alb@1Timothy:5:8 @ Por në qoftë se dikush nuk kujdeset për të vetët, dhe më tepër për ata të shtëpisë, ai e ka mohuar besimin dhe është më i keq se një jobesimtar.

alb@1Timothy:5:9 @ Një e ve të regjistrohet në listën e vejushave, po të jetë jo më e re se gjashtëdhjetë vjeçe, të ketë qenë bashkëshorte e një burri të vetëm,

alb@1Timothy:5:10 @ dhe të ketë dëshminë për vepra të mira: që i ka rritur fëmijët e saj, ka pritur të huajt, ua ka larë këmbët shenjtorëve, ka ndihmuar nevojtarët, i është kushtuar vazhdimisht çdo vepre të mirë.

alb@1Timothy:5:11 @ Po mos i prano vejushat më të reja, sepse, duke u dhënë pas dëshirave të tyre, ngrihen kundër Krishtit, duan të martohen,

alb@1Timothy:5:12 @ duke tërhequr mbi vete një dënim, sepse kanë shkelur besimin e parë.

alb@1Timothy:5:13 @ Madje ato mësojnë të jenë përtace duke shkuar shtëpi më shtëpi, edhe jo vetëm përtace, por edhe llafazane dhe kureshtare duke folur për gjëra të kota

alb@1Timothy:5:14 @ Dua, pra, që vejushat e reja të martohen, të kenë fëmijë, të bëhen zonja shtëpie dhe të mos i japin kundërshtarit asnjë shkak për të përfolur;

alb@1Timothy:5:15 @ sepse disa tashmë devijuan për të ndjekur Satanin.

alb@1Timothy:5:16 @ Në qoftë se ndonjë besimtar ose besimtare ka vejusha, le t`i ndihmojë e të mos bëhen barrë kishës, e cila mund të ndihmojë ato që janë me të vërtetë të veja.

alb@1Timothy:5:17 @ Pleqtë që e drejtojnë mirë parësinë në kishë, le të nderohen dyfish, sidomos ata që mundohen me fjalë e me mësim.

alb@1Timothy:5:18 @ Sepse Shkrimi thotë: "Mos ia lidh gojën kaut që shin në lëmë", dhe: ``Punëtori e ka hak mëditjen e tij``.

alb@1Timothy:5:19 @ Mos prano asnjë padi kundër një plaku, veçse kur ka dy ose tre dëshmitarë.

alb@1Timothy:5:20 @ Ata që mëkatojnë qortoji përpara të gjithëve, që edhe të tjerët të kenë frikë.

alb@1Timothy:5:21 @ Unë të vë në be përpara Perëndisë, dhe Zotit Jezu Krisht dhe engjëjve të zgjedhur, që t`i zbatosh këto gjëra pa paragjykime, dhe mos bëj asgjë me anësi.

alb@1Timothy:5:22 @ Mos i vër duart askujt me ngut dhe mos u bëj pjestar në mëkatet e të tjerëve; ruaje veten të pastër.

alb@1Timothy:5:23 @ Mos pi më ujë, por përdor pak verë për stomakun tënd dhe për sëmundjet e tua të shpeshta.

alb@1Timothy:5:24 @ Disa njerëzve mëkatet u duken sheshit edhe përpara gjyqit, ndërsa të tjerëve u duken më pas.

alb@1Timothy:5:25 @ Gjithashtu edhe veprat e mira duken; por edhe ato që janë ndryshe nuk mund të mbeten të fshehura.

alb@1Timothy:5:26 @ Të gjithë skllevërit që janë nën zgjedhë le t`i çmojnë zotërinjtë e tyre të denjë për çdo nderim, që të mos shuhen emri i Perëndisë dhe doktrina.