2Chronicles:11:5-17
vul@2Chronicles:11:5 @ habitavit autem Roboam in Hierusalem et aedificavit civitates muratas in Iuda
vul@2Chronicles:11:6 @ extruxitque Bethleem et Aetham et Thecue
vul@2Chronicles:11:7 @ Bethsur quoque et Soccho et Odollam
vul@2Chronicles:11:8 @ necnon Geth et Maresa et Ziph
vul@2Chronicles:11:9 @ sed et Aduram et Lachis et Azecha
vul@2Chronicles:11:10 @ Saraa quoque et Ahilon et Hebron quae erant in Iuda et Beniamin civitates munitissimas
vul@2Chronicles:11:11 @ cumque clausisset eas muris posuit in eis principes ciborumque horrea hoc est olei et vini
vul@2Chronicles:11:12 @ sed et in singulis urbibus fecit armamentaria scutorum et hastarum firmavitque eas multa diligentia et imperavit super Iudam et Beniamin
vul@2Chronicles:11:13 @ sacerdotes autem et Levitae qui erant in universo Israhel venerunt ad eum de cunctis sedibus suis
vul@2Chronicles:11:14 @ relinquentes suburbana et possessiones suas et transeuntes ad Iudam et Hierusalem eo quod abiecisset eos Hieroboam et posteri eius ne sacerdotio Domini fungerentur
vul@2Chronicles:11:15 @ qui constituit sibi sacerdotes excelsorum et daemonum vitulorumque quos fecerat
vul@2Chronicles:11:16 @ sed et de cunctis tribubus Israhel quicumque dederant cor suum ut quaererent Dominum Deum Israhel venerunt Hierusalem ad immolandas victimas Domino Deo patrum suorum
vul@2Chronicles:11:17 @ et roboraverunt regnum Iuda et confirmaverunt Roboam filium Salomonis per tres annos ambulaverunt enim in viis David et Salomonis annis tantum tribus