vul - 2Chronicles:18:28-19:3

vul@2Chronicles:18:28 @ igitur ascenderunt rex Israhel et Iosaphat rex Iuda in Ramoth Galaad

vul@2Chronicles:18:29 @ dixitque rex Israhel ad Iosaphat mutabo habitum et sic ad pugnandum vadam tu autem induere vestibus tuis mutatoque rex Israhel habitu venit ad bellum

vul@2Chronicles:18:30 @ rex autem Syriae praeceperat ducibus equitatus sui dicens ne pugnetis contra minimum aut contra maximum nisi contra solum regem Israhel

vul@2Chronicles:18:31 @ itaque cum vidissent principes equitatus Iosaphat dixerunt rex Israhel iste est et circumdederunt eum dimicantes at ille clamavit ad Dominum et auxiliatus est ei atque avertit eos ab illo

vul@2Chronicles:18:32 @ cum enim vidissent duces equitatus quod non esset rex Israhel reliquerunt eum

vul@2Chronicles:18:33 @ accidit autem ut unus e populo sagittam in incertum iaceret et percuteret regem Israhel inter cervicem et scapulas at ille aurigae suo ait converte manum tuam et educ me de acie quia vulneratus sum

vul@2Chronicles:18:34 @ et finita est pugna in die illo porro rex Israhel stabat in curru suo contra Syros usque ad vesperam et mortuus est occidente sole

vul@2Chronicles:19:1 @ reversus est autem Iosaphat rex Iuda domum suam pacifice in Hierusalem

vul@2Chronicles:19:2 @ cui occurrit Hieu filius Anani videns et ait ad eum impio praebes auxilium et his qui oderunt Dominum amicitia iungeris et idcirco iram quidem Domini merebaris

vul@2Chronicles:19:3 @ sed bona opera inventa sunt in te eo quod abstuleris lucos de terra Iuda et praeparaveris cor tuum ut requireres Dominum