vul - 2Chronicles:20:31-21:3

vul@2Chronicles:20:31 @ regnavit igitur Iosaphat super Iudam et erat triginta quinque annorum cum regnare coepisset viginti autem et quinque annis regnavit in Hierusalem nomen matris eius Azuba filia Selachi

vul@2Chronicles:20:32 @ et ambulavit in via patris sui Asa nec declinavit ab ea faciens quae placita erant coram Domino

vul@2Chronicles:20:33 @ verumtamen excelsa non abstulit et adhuc populus non direxerat cor suum ad Dominum Deum patrum suorum

vul@2Chronicles:20:34 @ reliqua autem gestorum Iosaphat priorum et novissimorum scripta sunt in verbis Hieu filii Anani quae digessit in libro regum Israhel

vul@2Chronicles:20:35 @ post haec iniit amicitias Iosaphat rex Iuda cum Ochozia rege Israhel cuius opera fuerunt impiissima

vul@2Chronicles:20:36 @ et particeps fuit ut facerent naves quae irent in Tharsis feceruntque classem in Asiongaber

vul@2Chronicles:20:37 @ prophetavit autem Eliezer filius Dodoau de Maresa ad Iosaphat dicens quia habuisti foedus cum Ochozia percussit Dominus opera tua contritaeque sunt naves nec potuerunt ire in Tharsis

vul@2Chronicles:21:1 @ dormivit autem Iosaphat cum patribus suis et sepultus est cum eis in civitate David regnavitque Ioram filius eius pro eo

vul@2Chronicles:21:2 @ qui habuit fratres filios Iosaphat Azariam et Hiahihel et Zacchariam et Azariam et Michahel et Saphatiam omnes hii filii Iosaphat regis Israhel

vul@2Chronicles:21:3 @ deditque eis pater suus multa munera argenti et auri et pensitationes cum civitatibus munitissimis in Iuda regnum autem tradidit Ioram eo quod esset primogenitus