vul - 2Chronicles:21:4-20

vul@2Chronicles:21:4 @ surrexit ergo Ioram super regnum patris sui cumque se confirmasset occidit omnes fratres suos gladio et quosdam de principibus Israhel

vul@2Chronicles:21:5 @ triginta duo annorum erat Ioram cum regnare coepisset et octo annis regnavit in Hierusalem

vul@2Chronicles:21:6 @ ambulavitque in viis regum Israhel sicut egerat domus Ahab filia quippe Ahab erat uxor eius et fecit malum in conspectu Domini

vul@2Chronicles:21:7 @ noluit autem Dominus disperdere domum David propter pactum quod inierat cum eo et quia promiserat ut daret illi lucernam et filiis eius omni tempore

vul@2Chronicles:21:8 @ in diebus illis rebellavit Edom ne esset subditus Iudae et constituit sibi regem

vul@2Chronicles:21:9 @ cumque transisset Ioram cum principibus suis et cuncto equitatu qui erat secum surrexit nocte et percussit Edom qui se circumdederat et omnes duces equitatus eius

vul@2Chronicles:21:10 @ attamen rebellavit Edom ne esset sub dicione Iuda usque ad hanc diem eo tempore et Lobna recessit ne esset sub manu illius dereliquerat enim Dominum Deum patrum suorum

vul@2Chronicles:21:11 @ insuper et excelsa fabricatus est in urbibus Iuda et fornicari fecit habitatores Hierusalem et praevaricari Iudam

vul@2Chronicles:21:12 @ adlatae sunt autem ei litterae ab Helia propheta in quibus scriptum erat haec dicit Dominus Deus David patris tui quoniam non ambulasti in viis Iosaphat patris tui et in viis Asa regis Iuda

vul@2Chronicles:21:13 @ sed incessisti per iter regum Israhel et fornicari fecisti Iudam et habitatores Hierusalem imitatus fornicationem domus Ahab insuper et fratres tuos domum patris tui meliores te occidisti

vul@2Chronicles:21:14 @ ecce Dominus percutiet te plaga magna cum populo tuo et filiis et uxoribus tuis universaque substantia tua

vul@2Chronicles:21:15 @ tu autem aegrotabis pessimo languore uteri donec egrediantur vitalia tua paulatim per dies singulos

vul@2Chronicles:21:16 @ suscitavit ergo Dominus contra Ioram spiritum Philisthinorum et Arabum qui confines sunt Aethiopibus

vul@2Chronicles:21:17 @ et ascenderunt in terram Iuda et vastaverunt eam diripueruntque cunctam substantiam quae inventa est in domo regis insuper et filios eius et uxores nec remansit ei filius nisi Ioachaz qui minimus natu erat

vul@2Chronicles:21:18 @ et super haec omnia percussit eum Dominus alvi languore insanabili

vul@2Chronicles:21:19 @ cumque diei succederet dies et temporum spatia volverentur duorum annorum expletus est circulus et sic longa consumptus tabe ita ut egereret etiam viscera sua languore pariter et vita caruit mortuusque est in infirmitate pessima et non fecit ei populus secundum morem conbustionis exequias sicut fecerat maioribus eius

vul@2Chronicles:21:20 @ triginta duum annorum fuit cum regnare coepisset et octo annis regnavit in Hierusalem ambulavitque non recte et sepelierunt eum in civitate David verumtamen non in sepulchro regum