2Chronicles:35:20-36:1
vul@2Chronicles:35:20 @ postquam instauraverat Iosias templum ascendit Nechao rex Aegypti ad pugnandum in Charchamis iuxta Eufraten et processit in occursum eius Iosias
vul@2Chronicles:35:21 @ at ille missis ad eum nuntiis ait quid mihi et tibi est rex Iuda non adversum te hodie venio sed contra aliam pugno domum ad quam me Deus festinato ire praecepit desine adversum Deum facere qui mecum est ne interficiat te
vul@2Chronicles:35:22 @ noluit Iosias reverti sed praeparavit contra eum bellum nec adquievit sermonibus Nechao ex ore Dei verum perrexit ut dimicaret in campo Mageddo
vul@2Chronicles:35:23 @ ibique vulneratus a sagittariis dixit pueris suis educite me de proelio quia oppido vulneratus sum
vul@2Chronicles:35:24 @ qui transtulerunt eum de curru in alterum currum qui sequebatur eum more regio et asportaverunt in Hierusalem mortuusque est et sepultus in mausoleo patrum suorum et universus Iuda et Hierusalem luxerunt eum
vul@2Chronicles:35:25 @ Hieremias maxime cuius omnes cantores atque cantrices usque in praesentem diem lamentationes super Iosia replicant et quasi lex obtinuit in Israhel ecce scriptum fertur in Lamentationibus
vul@2Chronicles:35:26 @ reliqua autem sermonum Iosiae et misericordiarum eius quae lege praecepta sunt Domini
vul@2Chronicles:35:27 @ opera quoque illius prima et novissima scripta sunt in libro regum Israhel et Iuda
vul@2Chronicles:36:1 @ tulit ergo populus terrae Ioachaz filium Iosiae et constituit regem pro patre suo in Hierusalem