vul - 2Corinthians:11:16-33

vul@2Corinthians:11:16 @ iterum dico ne quis me putet insipientem alioquin velut insipientem accipite me ut et ego modicum quid glorier

vul@2Corinthians:11:17 @ quod loquor non loquor secundum Dominum sed quasi in insipientia in hac substantia gloriae

vul@2Corinthians:11:18 @ quoniam multi gloriantur secundum carnem et ego gloriabor

vul@2Corinthians:11:19 @ libenter enim suffertis insipientes cum sitis ipsi sapientes

vul@2Corinthians:11:20 @ sustinetis enim si quis vos in servitutem redigit si quis devorat si quis accipit si quis extollitur si quis in faciem vos caedit

vul@2Corinthians:11:21 @ secundum ignobilitatem dico quasi nos infirmi fuerimus in quo quis audet in insipientia dico audeo et ego

vul@2Corinthians:11:22 @ Hebraei sunt et ego Israhelitae sunt et ego semen Abrahae sunt et ego

vul@2Corinthians:11:23 @ ministri Christi sunt minus sapiens dico plus ego in laboribus plurimis in carceribus abundantius in plagis supra modum in mortibus frequenter

vul@2Corinthians:11:24 @ a Iudaeis quinquies quadragenas una minus accepi

vul@2Corinthians:11:25 @ ter virgis caesus sum semel lapidatus sum ter naufragium feci nocte et die in profundo maris fui

vul@2Corinthians:11:26 @ in itineribus saepe periculis fluminum periculis latronum periculis ex genere periculis ex gentibus periculis in civitate periculis in solitudine periculis in mari periculis in falsis fratribus

vul@2Corinthians:11:27 @ in labore et aerumna in vigiliis multis in fame et siti in ieiuniis multis in frigore et nuditate

vul@2Corinthians:11:28 @ praeter illa quae extrinsecus sunt instantia mea cotidiana sollicitudo omnium ecclesiarum

vul@2Corinthians:11:29 @ quis infirmatur et non infirmor quis scandalizatur et ego non uror

vul@2Corinthians:11:30 @ si gloriari oportet quae infirmitatis meae sunt gloriabor

vul@2Corinthians:11:31 @ Deus et Pater Domini Iesu scit qui est benedictus in saecula quod non mentior

vul@2Corinthians:11:32 @ Damasci praepositus gentis Aretae regis custodiebat civitatem Damascenorum ut me conprehenderet

vul@2Corinthians:11:33 @ et per fenestram in sporta dimissus sum per murum et effugi manus eius