vul - 2Corinthians:13:1-10

vul@2Corinthians:13:1 @ ecce tertio hoc venio ad vos in ore duorum vel trium testium stabit omne verbum

vul@2Corinthians:13:2 @ praedixi et praedico ut praesens bis et nunc absens his qui ante peccaverunt et ceteris omnibus quoniam si venero iterum non parcam

vul@2Corinthians:13:3 @ an experimentum quaeritis eius qui in me loquitur Christi qui in vos non infirmatur sed potens est in vobis

vul@2Corinthians:13:4 @ nam et si crucifixus est ex infirmitate sed vivit ex virtute Dei nam et nos infirmi sumus in illo sed vivemus cum eo ex virtute Dei in vobis

vul@2Corinthians:13:5 @ vosmet ipsos temptate si estis in fide ipsi vos probate an non cognoscitis vos ipsos quia Christus Iesus in vobis est nisi forte reprobi estis

vul@2Corinthians:13:6 @ spero autem quod cognoscetis quia nos non sumus reprobi

vul@2Corinthians:13:7 @ oramus autem Deum ut nihil mali faciatis non ut nos probati pareamus sed ut vos quod bonum est faciatis nos autem ut reprobi simus

vul@2Corinthians:13:8 @ non enim possumus aliquid adversus veritatem sed pro veritate

vul@2Corinthians:13:9 @ gaudemus enim quando nos infirmi sumus vos autem potentes estis hoc et oramus vestram consummationem

vul@2Corinthians:13:10 @ ideo haec absens scribo ut non praesens durius agam secundum potestatem quam Dominus dedit mihi in aedificationem et non in destructionem