2Corinthians:2:12-3:6
vul@2Corinthians:2:12 @ cum venissem autem Troadem propter evangelium Christi et ostium mihi apertum esset in Domino
vul@2Corinthians:2:13 @ non habui requiem spiritui meo eo quod non invenerim Titum fratrem meum sed valefaciens eis profectus sum in Macedoniam
vul@2Corinthians:2:14 @ Deo autem gratias qui semper triumphat nos in Christo Iesu et odorem notitiae suae manifestat per nos in omni loco
vul@2Corinthians:2:15 @ quia Christi bonus odor sumus Deo in his qui salvi fiunt et in his qui pereunt
vul@2Corinthians:2:16 @ aliis quidem odor mortis in mortem aliis autem odor vitae in vitam et ad haec quis tam idoneus
vul@2Corinthians:2:17 @ non enim sumus sicut plurimi adulterantes verbum Dei sed ex sinceritate sed sicut ex Deo coram Deo in Christo loquimur
vul@2Corinthians:3:1 @ incipimus iterum nosmet ipsos commendare aut numquid egemus sicut quidam commendaticiis epistulis ad vos aut ex vobis
vul@2Corinthians:3:2 @ epistula nostra vos estis scripta in cordibus nostris quae scitur et legitur ab omnibus hominibus
vul@2Corinthians:3:3 @ manifestati quoniam epistula estis Christi ministrata a nobis et scripta non atramento sed Spiritu Dei vivi non in tabulis lapideis sed in tabulis cordis carnalibus
vul@2Corinthians:3:4 @ fiduciam autem talem habemus per Christum ad Deum
vul@2Corinthians:3:5 @ non quod sufficientes simus cogitare aliquid a nobis quasi ex nobis sed sufficientia nostra ex Deo est
vul@2Corinthians:3:6 @ qui et idoneos nos fecit ministros novi testamenti non litterae sed Spiritus littera enim occidit Spiritus autem vivificat