cebuano_ang_biblia_pinadayag - 2Corinthians:8:1-15

cebuano_ang_biblia_pinadayag@2Corinthians:8:1 @ ¶ Karon buot kami nga masayud kamo, mga igsoon, mahitungod sa grasya sa Dios nga gikahatag diha sa mga iglesia sa Macedonia;

cebuano_ang_biblia_pinadayag@2Corinthians:8:2 @ kay bisan pa sa mapig-uton nga pagsulay kanila sa kasakit, ang ilang madagayaon nga kalipay ug ang ilang tuman nga kakabus miawas hinoon ngadto sa kadagaya sa ilang pagkamanggihatagon.

cebuano_ang_biblia_pinadayag@2Corinthians:8:3 @ Kay ako makasaksi nga sumala sa ilang maarangan, ug labaw pa gani sa ilang maarangan, sila nagpanghatag sa kinabobut-on,

cebuano_ang_biblia_pinadayag@2Corinthians:8:4 @ nga nangamuyo kanamo sa mainiton gayud nga unta paambiton sila sa buhat sa pagtabang sa mga balaan

cebuano_ang_biblia_pinadayag@2Corinthians:8:5 @ ug kini, dili ingon sa among gipaabut, hinonoa, una sa tanan sila mihatag sa ilang kaugalingon ngadto sa Ginoo ug kanamo pinaagi sa kabobut-on sa Dios.

cebuano_ang_biblia_pinadayag@2Corinthians:8:6 @ Tungod niini, si Tito among giagda nga tibawason usab niya diha kaninyo ang pagpaamot nga iya nang nasugdan kaniadto.

cebuano_ang_biblia_pinadayag@2Corinthians:8:7 @ ¶ Karon, maingon nga kamo nanghawod man sa tanang butangsa pagtoo, sa pagpamulong, sa kahibalo, sa tanang pagkamainiton, ug sa inyong gugma alang kanamopanlimbasugi nga kamo manghawod usab unta niining maong grasya sa paghatag.

cebuano_ang_biblia_pinadayag@2Corinthians:8:8 @ Ako nagasulti niini dili ingon nga sugo, kondili ingon nga pagpamatuod, pinaagi sa pagkamasingkamoton sa uban, nga ang inyong gugma usab tinuod.

cebuano_ang_biblia_pinadayag@2Corinthians:8:9 @ Kay kamo nasayud na sa grasya sa atong Ginoong Jesu-Cristo, nga bisan tuod siya dato, siya nahimong kabus alang kaninyo aron nga pinaagi sa iyang kakabus kamo mahimong dato.

cebuano_ang_biblia_pinadayag@2Corinthians:8:10 @ Ug niining butanga ako magahatag sa akong tambag: labi gayung maayo alang kaninyo karon ang pagtibawas sa inyo nang nasugdan usa na ka tuig karon dili lamang sa pagbuhat kondili usab sa pagtinguha,

cebuano_ang_biblia_pinadayag@2Corinthians:8:11 @ aron nga maingon nga may tinguha man kamo sa pagbuhat niini, pagatibawason usab unta ninyo kini sumala sa inyong maarangan.

cebuano_ang_biblia_pinadayag@2Corinthians:8:12 @ Kay kon anaa ang pagkamatinguhaon, kini pagakahimut-an sa pagdawat sumala sa unsay anaa sa tawo, dili sumala sa unsay wala kaniya.

cebuano_ang_biblia_pinadayag@2Corinthians:8:13 @ Wala hinoon ako magpasabut nga ang uban kinahanglan mahamugaway ug kamo mapitosan,

cebuano_ang_biblia_pinadayag@2Corinthians:8:14 @ kondili nga sibo sa pagpaangay-angay kinahanglan nga ang inyong kadagaya niining panahona karon magahulip sa ilang kawalad-on aron nga sa kapulihay ang ilang kadagaya magahulip usab sa inyong kawalad-on, ug sa ingon niana adunay pagkaangay-angay.

cebuano_ang_biblia_pinadayag@2Corinthians:8:15 @ Sumala sa nahisulat, "Siya nga nagtigum ug daghan wala maghingapin, ug siya nga nagtigum ug diyutay wala makulangi."