2Kings:19:1-13
vul@2Kings:19:1 @ quae cum audisset rex Ezechias scidit vestimenta sua et opertus est sacco ingressusque est domum Domini
vul@2Kings:19:2 @ et misit Eliachim praepositum domus et Sobnam scribam et senes de sacerdotibus opertos saccis ad Esaiam prophetam filium Amos
vul@2Kings:19:3 @ qui dixerunt haec dicit Ezechias dies tribulationis et increpationis et blasphemiae dies iste venerunt filii usque ad partum et vires non habet parturiens
vul@2Kings:19:4 @ si forte audiat Dominus Deus tuus universa verba Rabsacis quem misit rex Assyriorum dominus suus ut exprobraret Deum viventem et argueret verbis quae audivit Dominus Deus tuus et fac orationem pro reliquiis quae reppertae sunt
vul@2Kings:19:5 @ venerunt ergo servi regis Ezechiae ad Esaiam
vul@2Kings:19:6 @ dixitque eis Esaias haec dicetis domino vestro haec dicit Dominus noli timere a facie sermonum quos audisti quibus blasphemaverunt pueri regis Assyriorum me
vul@2Kings:19:7 @ ecce ego inmittam ei spiritum et audiet nuntium et revertetur in terram suam et deiciam eum gladio in terra sua
vul@2Kings:19:8 @ reversus est igitur Rabsaces et invenit regem Assyriorum expugnantem Lobnam audierat enim quod recessisset de Lachis
vul@2Kings:19:9 @ cumque audisset de Tharaca rege Aethiopiae dicentes ecce egressus est ut pugnet adversum te et iret contra eum misit nuntios ad Ezechiam dicens
vul@2Kings:19:10 @ haec dicite Ezechiae regi Iudae non te seducat Deus tuus in quo habes fiduciam neque dicas non tradetur Hierusalem in manu regis Assyriorum
vul@2Kings:19:11 @ tu enim ipse audisti quae fecerint reges Assyriorum universis terris quomodo vastaverint eas num ergo solus poteris liberari
vul@2Kings:19:12 @ numquid liberaverunt dii gentium singulos quos vastaverunt patres mei Gozan videlicet et Aran et Reseph et filios Eden qui erant in Thelassar
vul@2Kings:19:13 @ ubi est rex Emath et rex Arfad et rex civitatis Sepharvaim Ana et Ava