2Kings:20:1-11
vul@2Kings:20:1 @ in diebus illis aegrotavit Ezechias usque ad mortem et venit ad eum Esaias filius Amos prophetes dixitque ei haec dicit Dominus Deus praecipe domui tuae morieris enim et non vives
vul@2Kings:20:2 @ qui convertit faciem suam ad parietem et oravit Dominum dicens
vul@2Kings:20:3 @ obsecro Domine memento quomodo ambulaverim coram te in veritate et in corde perfecto et quod placitum est coram te fecerim flevit itaque Ezechias fletu magno
vul@2Kings:20:4 @ et antequam egrederetur Esaias mediam partem atrii factus est sermo Domini ad eum dicens
vul@2Kings:20:5 @ revertere et dic Ezechiae duci populi mei haec dicit Dominus Deus David patris tui audivi orationem tuam vidi lacrimam tuam et ecce sanavi te die tertio ascendes templum Domini
vul@2Kings:20:6 @ et addam diebus tuis quindecim annos sed et de manu regis Assyriorum liberabo te et civitatem hanc et protegam urbem istam propter me et propter David servum meum
vul@2Kings:20:7 @ dixitque Esaias adferte massam ficorum quam cum adtulissent et posuissent super ulcus eius curatus est
vul@2Kings:20:8 @ dixerat autem Ezechias ad Esaiam quod erit signum quia Dominus me sanabit et quia ascensurus sum die tertio templum Domini
vul@2Kings:20:9 @ cui ait Esaias hoc erit signum a Domino quod facturus sit Dominus sermonem quem locutus est vis ut accedat umbra decem lineis an ut revertatur totidem gradibus
vul@2Kings:20:10 @ et ait Ezechias facile est umbram crescere decem lineis nec hoc volo ut fiat sed ut revertatur retrorsum decem gradibus
vul@2Kings:20:11 @ invocavit itaque Esaias propheta Dominum et reduxit umbram per lineas quibus iam descenderat in horologio Ahaz retrorsum decem gradibus