2Kings:4:8-37
vul@2Kings:4:8 @ facta est autem quaedam dies et transiebat Heliseus per Sunam erat autem ibi mulier magna quae tenuit eum ut comederet panem cumque frequenter inde transiret devertebat ad eam ut comederet panem
vul@2Kings:4:9 @ quae dixit ad virum suum animadverto quod vir Dei sanctus est iste qui transit per nos frequenter
vul@2Kings:4:10 @ faciamus ergo cenaculum parvum et ponamus ei in eo lectulum et mensam et sellam et candelabrum ut cum venerit ad nos maneat ibi
vul@2Kings:4:11 @ facta est igitur dies quaedam et veniens devertit in cenaculum et requievit ibi
vul@2Kings:4:12 @ dixitque ad Giezi puerum suum voca Sunamitin istam qui cum vocasset eam et illa stetisset coram eo
vul@2Kings:4:13 @ dixit ad puerum loquere ad eam ecce sedule in omnibus ministrasti nobis quid vis ut faciam tibi numquid habes negotium et vis ut loquar regi sive principi militiae quae respondit in medio populi mei habito
vul@2Kings:4:14 @ et ait quid ergo vult ut faciam ei dixitque Giezi ne quaeras filium enim non habet et vir eius senex est
vul@2Kings:4:15 @ praecepit itaque ut vocaret eam quae cum vocata fuisset et stetisset ad ostium
vul@2Kings:4:16 @ dixit ad eam in tempore isto et in hac eadem hora si vita comes fuerit habebis in utero filium at illa respondit noli quaeso domine mi vir Dei noli mentiri ancillae tuae
vul@2Kings:4:17 @ et concepit mulier et peperit filium in tempore et in hora eadem quam dixerat Heliseus
vul@2Kings:4:18 @ crevit autem puer et cum esset quaedam dies et egressus isset ad patrem suum ad messores
vul@2Kings:4:19 @ ait patri suo caput meum caput meum at ille dixit puero tolle et duc eum ad matrem suam
vul@2Kings:4:20 @ qui cum tulisset et adduxisset eum ad matrem suam posuit eum illa super genua sua usque ad meridiem et mortuus est
vul@2Kings:4:21 @ ascendit autem et conlocavit eum super lectulum hominis Dei et clusit ostium et egressa
vul@2Kings:4:22 @ vocavit virum suum et ait mitte mecum obsecro unum de pueris et asinam ut excurram usque ad hominem Dei et revertar
vul@2Kings:4:23 @ qui ait illi quam ob causam vadis ad eum hodie non sunt kalendae neque sabbatum quae respondit vale
vul@2Kings:4:24 @ stravitque asinam et praecepit puero mina et propera ne mihi moram facias in eundo et hoc age quod praecipio tibi
vul@2Kings:4:25 @ profecta est igitur et venit ad virum Dei in montem Carmeli cumque vidisset eam vir Dei de contra ait ad Giezi puerum suum ecce Sunamitis illa
vul@2Kings:4:26 @ vade ergo in occursum eius et dic ei rectene agitur circa te et circa virum tuum et circa filium tuum quae respondit recte
vul@2Kings:4:27 @ cumque venisset ad virum Dei in monte adprehendit pedes eius et accessit Giezi ut amoveret eam et ait homo Dei dimitte illam anima enim eius in amaritudine est et Dominus celavit me et non indicavit mihi
vul@2Kings:4:28 @ quae dixit illi numquid petivi filium a domino meo numquid non dixi tibi ne inludas me
vul@2Kings:4:29 @ et ille ait ad Giezi accinge lumbos tuos et tolle baculum meum in manu tua et vade si occurrerit tibi homo non salutes eum et si salutaverit te quispiam non respondeas illi et pones baculum meum super faciem pueri
vul@2Kings:4:30 @ porro mater pueri ait vivit Dominus et vivit anima tua non dimittam te surrexit ergo et secutus est eam
vul@2Kings:4:31 @ Giezi autem praecesserat eos et posuerat baculum super faciem pueri et non erat vox neque sensus reversusque est in occursum eius et nuntiavit ei dicens non surrexit puer
vul@2Kings:4:32 @ ingressus est ergo Heliseus domum et ecce puer mortuus iacebat in lectulo eius
vul@2Kings:4:33 @ ingressusque clusit ostium super se et puerum et oravit ad Dominum
vul@2Kings:4:34 @ et ascendit et incubuit super puerum posuitque os suum super os eius et oculos suos super oculos eius et manus suas super manus eius et incurvavit se super eum et calefacta est caro pueri
vul@2Kings:4:35 @ at ille reversus deambulavit in domo semel huc et illuc et ascendit et incubuit super eum et oscitavit puer septies aperuitque oculos
vul@2Kings:4:36 @ et ille vocavit Giezi et dixit ei voca Sunamitin hanc quae vocata ingressa est ad eum qui ait tolle filium tuum
vul@2Kings:4:37 @ venit illa et corruit ad pedes eius et adoravit super terram tulitque filium suum et egressa est