vul - 2Kings:6:24-7:2

vul@2Kings:6:24 @ factum est autem post haec congregavit Benadad rex Syriae universum exercitum suum et ascendit et obsidebat Samariam

vul@2Kings:6:25 @ factaque est fames magna in Samaria et tamdiu obsessa est donec venundaretur caput asini octoginta argenteis et quarta pars cabi stercoris columbarum quinque argenteis

vul@2Kings:6:26 @ cumque rex Israhel transiret per murum mulier exclamavit ad eum dicens salva me domine mi rex

vul@2Kings:6:27 @ qui ait non te salvet Dominus unde salvare te possum de area an de torculari dixitque ad eam rex quid tibi vis quae respondit

vul@2Kings:6:28 @ mulier ista dixit mihi da filium tuum ut comedamus eum hodie et filium meum comedemus cras

vul@2Kings:6:29 @ coximus ergo filium meum et comedimus dixique ei die altera da filium tuum ut comedamus eum quae abscondit filium suum

vul@2Kings:6:30 @ quod cum audisset rex scidit vestimenta sua et transiebat super murum viditque omnis populus cilicium quo vestitus erat ad carnem intrinsecus

vul@2Kings:6:31 @ et ait haec mihi faciat Deus et haec addat si steterit caput Helisei filii Saphat super eum hodie

vul@2Kings:6:32 @ Heliseus autem sedebat in domo sua et senes sedebant cum eo praemisit itaque virum et antequam veniret nuntius ille dixit ad senes numquid scitis quod miserit filius homicidae hic ut praecidatur caput meum videte ergo cum venerit nuntius cludite ostium et non sinatis eum introire ecce enim sonitus pedum domini eius post eum est

vul@2Kings:6:33 @ et adhuc illo loquente eis apparuit nuntius qui veniebat ad eum et ait ecce tantum malum a Domino est quid amplius expectabo a Domino

vul@2Kings:7:1 @ dixit autem Heliseus audite verbum Domini haec dicit Dominus in tempore hoc cras modius similae uno statere erit et duo modii hordei statere uno in porta Samariae

vul@2Kings:7:2 @ respondens unus de ducibus super cuius manum rex incumbebat homini Dei ait si Dominus fecerit etiam cataractas in caelo numquid poterit esse quod loqueris qui ait videbis oculis tuis et inde non comedes