2Kings:8:7-15
vul@2Kings:8:7 @ venit quoque Heliseus Damascum et Benadad rex Syriae aegrotabat nuntiaveruntque ei dicentes venit vir Dei huc
vul@2Kings:8:8 @ et ait rex ad Azahel tolle tecum munera et vade in occursum viri Dei et consule Dominum per eum dicens si evadere potero de infirmitate mea hac
vul@2Kings:8:9 @ ivit igitur Azahel in occursum eius habens secum munera et omnia bona Damasci onera quadraginta camelorum cumque stetisset coram eo ait filius tuus Benadad rex Syriae misit me ad te dicens si sanari potero de infirmitate mea hac
vul@2Kings:8:10 @ dixitque ei Heliseus vade dic ei sanaberis porro ostendit mihi Dominus quia morte morietur
vul@2Kings:8:11 @ stetitque cum eo et conturbatus est usque ad suffusionem vultus flevitque vir Dei
vul@2Kings:8:12 @ cui Azahel ait quare dominus meus flet at ille respondit quia scio quae facturus sis filiis Israhel mala civitates eorum munitas igne succendes et iuvenes eorum interficies gladio et parvulos eorum elides et praegnantes divides
vul@2Kings:8:13 @ dixitque Azahel quid enim sum servus tuus canis ut faciam rem istam magnam et ait Heliseus ostendit mihi Dominus te regem Syriae fore
vul@2Kings:8:14 @ qui cum recessisset ab Heliseo venit ad dominum suum qui ait ei quid tibi dixit Heliseus at ille respondit dixit mihi recipiet sanitatem
vul@2Kings:8:15 @ cumque venisset dies altera tulit sagulum et infudit aqua et expandit super faciem eius quo mortuo regnavit Azahel pro eo