vul - 2Kings:9:30-37

vul@2Kings:9:30 @ venit Hieu Hiezrahel porro Hiezabel introitu eius audito depinxit oculos suos stibio et ornavit caput suum et respexit per fenestram

vul@2Kings:9:31 @ ingredientem Hieu per portam et ait numquid pax esse potest Zamri qui interfecit dominum suum

vul@2Kings:9:32 @ levavitque Hieu faciem suam ad fenestram et ait quae est ista et inclinaverunt se ad eum duo vel tres eunuchi

vul@2Kings:9:33 @ at ille dixit eis praecipitate eam deorsum et praecipitaverunt eam aspersusque est sanguine paries et equorum ungulae qui conculcaverunt eam

vul@2Kings:9:34 @ cumque ingressus esset et comederet bibissetque ait ite videte maledictam illam et sepelite eam quia filia regis est

vul@2Kings:9:35 @ cumque issent ut sepelirent eam non invenerunt nisi calvariam et pedes et summas manus

vul@2Kings:9:36 @ reversique nuntiaverunt ei et ait Hieu sermo Domini est quem locutus est per servum suum Heliam Thesbiten dicens in agro Hiezrahel comedent canes carnes Hiezabel

vul@2Kings:9:37 @ et erunt carnes Hiezabel sicut stercus super faciem terrae in agro Hiezrahel ita ut praetereuntes dicant haecine est illa Hiezabel