2Samuel:15:1-12
vul@2Samuel:15:1 @ igitur post haec fecit sibi Absalom currum et equites et quinquaginta viros qui praecederent eum
vul@2Samuel:15:2 @ et mane consurgens Absalom stabat iuxta introitum portae et omnem virum qui habebat negotium ut veniret ad regis iudicium vocabat Absalom ad se et dicebat de qua civitate es tu qui respondens aiebat ex una tribu Israhel ego sum servus tuus
vul@2Samuel:15:3 @ respondebatque ei Absalom videntur mihi sermones tui boni et iusti sed non est qui te audiat constitutus a rege dicebatque Absalom
vul@2Samuel:15:4 @ quis me constituat iudicem super terram ut ad me veniant omnes qui habent negotium et iuste iudicem
vul@2Samuel:15:5 @ sed et cum accederet ad eum homo ut salutaret illum extendebat manum suam et adprehendens osculabatur eum
vul@2Samuel:15:6 @ faciebatque hoc omni Israhel qui veniebat ad iudicium ut audiretur a rege et sollicitabat corda virorum Israhel
vul@2Samuel:15:7 @ post quattuor autem annos dixit Absalom ad regem vadam et reddam vota mea quae vovi Domino in Hebron
vul@2Samuel:15:8 @ vovens enim vovit servus tuus cum esset in Gessur Syriae dicens si reduxerit me Dominus in Hierusalem sacrificabo Domino
vul@2Samuel:15:9 @ dixitque ei rex vade in pace et surrexit et abiit in Hebron
vul@2Samuel:15:10 @ misit autem Absalom exploratores in universas tribus Israhel dicens statim ut audieritis clangorem bucinae dicite regnavit Absalom in Hebron
vul@2Samuel:15:11 @ porro cum Absalom ierunt ducenti viri de Hierusalem vocati euntes simplici corde et causam penitus ignorantes
vul@2Samuel:15:12 @ accersivit quoque Absalom Ahitofel Gilonitem consiliarium David de civitate sua Gilo cum immolaret victimas et facta est coniuratio valida populusque concurrens augebatur cum Absalom