vul - 2Samuel:16:15-17:29

vul@2Samuel:16:15 @ Absalom autem et omnis populus Israhel ingressi sunt Hierusalem sed et Ahitofel cum eo

vul@2Samuel:16:16 @ cum autem venisset Husai Arachites amicus David ad Absalom locutus est ad eum salve rex salve rex

vul@2Samuel:16:17 @ ad quem Absalom haec est inquit gratia tua ad amicum tuum quare non isti cum amico tuo

vul@2Samuel:16:18 @ responditque Husai ad Absalom nequaquam quia illius ero quem elegit Dominus et omnis hic populus et universus Israhel et cum eo manebo

vul@2Samuel:16:19 @ sed ut et hoc inferam cui ego serviturus sum nonne filio regis sicut parui patri tuo sic parebo et tibi

vul@2Samuel:16:20 @ dixit autem Absalom ad Ahitofel inite consilium quid agere debeamus

vul@2Samuel:16:21 @ et ait Ahitofel ad Absalom ingredere ad concubinas patris tui quas dimisit ad custodiendam domum ut cum audierit omnis Israhel quod foedaveris patrem tuum roborentur manus eorum tecum

vul@2Samuel:16:22 @ tetenderunt igitur Absalom tabernaculum in solario ingressusque est ad concubinas patris sui coram universo Israhel

vul@2Samuel:16:23 @ consilium autem Ahitofel quod dabat in diebus illis quasi si quis consuleret Deum sic erat omne consilium Ahitofel et cum esset cum David et cum esset cum Absalom

vul@2Samuel:17:1 @ dixit igitur Ahitofel ad Absalom eligam mihi duodecim milia virorum et consurgens persequar David hac nocte

vul@2Samuel:17:2 @ et inruens super eum quippe qui lassus est et solutis manibus percutiam eum cumque fugerit omnis populus qui cum eo est percutiam regem desolatum

vul@2Samuel:17:3 @ et reducam universum populum quomodo omnis reverti solet unum enim virum tu quaeris et omnis populus erit in pace

vul@2Samuel:17:4 @ placuitque sermo eius Absalom et cunctis maioribus natu Israhel

vul@2Samuel:17:5 @ ait autem Absalom vocate et Husai Arachiten et audiamus quid etiam ipse dicat

vul@2Samuel:17:6 @ cumque venisset Husai ad Absalom ait Absalom ad eum huiuscemodi sermonem locutus est Ahitofel facere debemus an non quod das consilium

vul@2Samuel:17:7 @ et dixit Husai ad Absalom non bonum consilium quod dedit Ahitofel hac vice

vul@2Samuel:17:8 @ et rursum intulit Husai tu nosti patrem tuum et viros qui cum eo sunt esse fortissimos et amaro animo veluti si ursa raptis catulis in saltu saeviat sed et pater tuus vir bellator est nec morabitur cum populo

vul@2Samuel:17:9 @ forsitan nunc latitat in foveis aut in uno quo voluerit loco et cum ceciderit unus quilibet in principio audiet quicumque audierit et dicet facta est plaga in populo qui sequebatur Absalom

vul@2Samuel:17:10 @ et fortissimus quoque cuius cor est quasi leonis pavore solvetur scit enim omnis populus Israhel fortem esse patrem tuum et robustos omnes qui cum eo sunt

vul@2Samuel:17:11 @ sed hoc mihi videtur rectum esse consilium congregetur ad te universus Israhel a Dan usque Bersabee quasi harena maris innumerabilis et tu eris in medio eorum

vul@2Samuel:17:12 @ et inruemus super eum in quocumque loco fuerit inventus et operiemus eum sicut cadere solet ros super terram et non relinquemus de viris qui cum eo sunt ne unum quidem

vul@2Samuel:17:13 @ quod si urbem aliquam fuerit ingressus circumdabit omnis Israhel civitati illi funes et trahemus eam in torrentem ut non repperiatur nec calculus quidem ex ea

vul@2Samuel:17:14 @ dixitque Absalom et omnis vir Israhel melius consilium Husai Arachitae consilio Ahitofel Domini autem nutu dissipatum est consilium Ahitofel utile ut induceret Dominus super Absalom malum

vul@2Samuel:17:15 @ et ait Husai Sadoc et Abiathar sacerdotibus hoc et hoc modo consilium dedit Ahitofel Absalom et senibus Israhel et ego tale et tale dedi consilium

vul@2Samuel:17:16 @ nunc ergo mittite cito et nuntiate David dicentes ne moremini nocte hac in campestribus deserti sed absque dilatione transgredere ne forte absorbeatur rex et omnis populus qui cum eo est

vul@2Samuel:17:17 @ Ionathan autem et Achimaas stabant iuxta fontem Rogel abiit ancilla et nuntiavit eis et illi profecti sunt ut referrent ad regem David nuntium non enim poterant videri aut introire civitatem

vul@2Samuel:17:18 @ vidit autem eos quidam puer et indicavit Absalom illi vero concito gradu ingressi sunt domum cuiusdam viri in Baurim qui habebat puteum in vestibulo suo et descenderunt in eum

vul@2Samuel:17:19 @ tulit autem mulier et expandit velamen super os putei quasi siccans ptisanas et sic res latuit

vul@2Samuel:17:20 @ cumque venissent servi Absalom ad mulierem in domum dixerunt ubi est Achimaas et Ionathan et respondit eis mulier transierunt gustata paululum aqua at hii qui quaerebant cum non repperissent reversi sunt Hierusalem

vul@2Samuel:17:21 @ cumque abissent ascenderunt illi de puteo et pergentes nuntiaverunt regi David atque dixerunt surgite transite cito fluvium quoniam huiuscemodi dedit consilium contra vos Ahitofel

vul@2Samuel:17:22 @ surrexit ergo David et omnis populus qui erat cum eo et transierunt Iordanem donec dilucesceret et ne unus quidem residuus fuit qui non transisset fluvium

vul@2Samuel:17:23 @ porro Ahitofel videns quod non fuisset factum consilium suum stravit asinum suum et surrexit et abiit in domum suam et in civitatem suam et disposita domo sua suspendio interiit et sepultus est in sepulchro patris sui

vul@2Samuel:17:24 @ David autem venit in Castra et Absalom transivit Iordanem ipse et omnis vir Israhel cum eo

vul@2Samuel:17:25 @ Amasam vero constituit Absalom pro Ioab super exercitum Amasa autem erat filius viri qui vocabatur Iethra de Hiesreli qui ingressus est ad Abigail filiam Naas sororem Sarviae quae fuit mater Ioab

vul@2Samuel:17:26 @ et castrametatus est Israhel cum Absalom in terra Galaad

vul@2Samuel:17:27 @ cumque venisset David in Castra Sobi filius Naas de Rabbath filiorum Ammon et Machir filius Ammihel de Lodabar et Berzellai Galaadites de Rogelim

vul@2Samuel:17:28 @ obtulerunt ei stratoria et tappetia et vasa fictilia frumentum et hordeum et farinam pulentam et fabam et lentem frixum cicer

vul@2Samuel:17:29 @ et mel et butyrum oves et pingues vitulos dederuntque David et populo qui cum eo erat ad vescendum suspicati enim sunt populum fame et siti fatigari in deserto