2Samuel:19:9-43
vul@2Samuel:19:9 @ omnis quoque populus certabat in cunctis tribubus Israhel dicens rex liberavit nos de manu inimicorum nostrorum ipse salvavit nos de manu Philisthinorum et nunc fugit de terra propter Absalom
vul@2Samuel:19:10 @ Absalom autem quem unximus super nos mortuus est in bello usquequo siletis et non reducitis regem
vul@2Samuel:19:11 @ rex vero David misit ad Sadoc et ad Abiathar sacerdotes dicens loquimini ad maiores natu Iuda dicentes cur venitis novissimi ad reducendum regem in domum suam sermo autem omnis Israhel pervenerat ad regem in domo eius
vul@2Samuel:19:12 @ fratres mei vos os meum et caro mea vos quare novissimi reducitis regem
vul@2Samuel:19:13 @ et Amasae dicite nonne os meum es et caro mea haec faciat mihi Deus et haec addat si non magister militiae fueris coram me omni tempore pro Ioab
vul@2Samuel:19:14 @ et inclinavit cor omnium virorum Iuda quasi viri unius miseruntque ad regem dicentes revertere tu et omnes servi tui
vul@2Samuel:19:15 @ et reversus est rex et venit usque ad Iordanem et Iuda venit in Galgala ut occurreret regi et transduceret eum Iordanem
vul@2Samuel:19:16 @ festinavit autem Semei filius Gera filii Iemini de Baurim et descendit cum viris Iuda in occursum regis David
vul@2Samuel:19:17 @ cum mille viris de Beniamin et Siba puer de domo Saul et quindecim filii eius ac viginti servi erant cum eo et inrumpentes Iordanem ante regem
vul@2Samuel:19:18 @ transierunt vada ut transducerent domum regis et facerent iuxta iussionem eius Semei autem filius Gera prostratus coram rege cum iam transisset Iordanem
vul@2Samuel:19:19 @ dixit ad eum ne reputes mihi domine mi iniquitatem neque memineris iniuriam servi tui in die qua egressus es domine mi rex de Hierusalem neque ponas rex in corde tuo
vul@2Samuel:19:20 @ agnosco enim servus tuus peccatum meum et idcirco hodie primus veni de omni domo Ioseph descendique in occursum domini mei regis
vul@2Samuel:19:21 @ respondens vero Abisai filius Sarviae dixit numquid pro his verbis non occidetur Semei quia maledixit christo Domini
vul@2Samuel:19:22 @ et ait David quid mihi et vobis filii Sarviae cur efficimini mihi hodie in Satan ergone hodie interficietur vir in Israhel an ignoro hodie me factum regem super Israhel
vul@2Samuel:19:23 @ et ait rex Semei non morieris iuravitque ei
vul@2Samuel:19:24 @ Mifiboseth quoque filius Saul descendit in occursum regis inlotis pedibus et intonsa barba vestesque suas non laverat a die qua egressus fuerat rex usque ad diem reversionis eius in pace
vul@2Samuel:19:25 @ cumque Hierusalem occurrisset regi dixit ei rex quare non venisti mecum Mifiboseth
vul@2Samuel:19:26 @ qui respondens ait domine mi rex servus meus contempsit me dixi ei ego famulus tuus ut sterneret mihi asinum et ascendens abirem cum rege claudus enim sum servus tuus
vul@2Samuel:19:27 @ insuper et accusavit me servum tuum ad te dominum meum regem tu autem domine mi rex sicut angelus Dei fac quod placitum est tibi
vul@2Samuel:19:28 @ neque enim fuit domus patris mei nisi morti obnoxia domino meo regi tu autem posuisti me servum tuum inter convivas mensae tuae quid igitur habeo iustae querellae aut quid possum ultra vociferari ad regem
vul@2Samuel:19:29 @ ait ergo ei rex quid ultra loqueris fixum est quod locutus sum tu et Siba dividite possessiones
vul@2Samuel:19:30 @ responditque Mifiboseth regi etiam cuncta accipiat postquam reversus est dominus meus rex pacifice in domum suam
vul@2Samuel:19:31 @ Berzellai quoque Galaadites descendens de Rogelim transduxit regem Iordanem paratus etiam ultra fluvium prosequi eum
vul@2Samuel:19:32 @ erat autem Berzellai Galaadites senex valde id est octogenarius et ipse praebuit alimenta regi cum moraretur in Castris fuit quippe vir dives nimis
vul@2Samuel:19:33 @ dixit itaque rex ad Berzellai veni mecum ut requiescas secure mecum in Hierusalem
vul@2Samuel:19:34 @ et ait Berzellai ad regem quot sunt dies annorum vitae meae ut ascendam cum rege Hierusalem
vul@2Samuel:19:35 @ octogenarius sum hodie numquid vigent sensus mei ad discernendum suave aut amarum aut delectare potest servum tuum cibus et potus vel audire ultra possum vocem cantorum atque cantricum quare servus tuus fit oneri domino meo regi
vul@2Samuel:19:36 @ paululum procedam famulus tuus ab Iordane tecum nec indigeo hac vicissitudine
vul@2Samuel:19:37 @ sed obsecro ut revertar servus tuus et moriar in civitate mea iuxta sepulchrum patris mei et matris meae est autem servus tuus Chamaam ipse vadat tecum domine mi rex et fac ei quod tibi bonum videtur
vul@2Samuel:19:38 @ dixitque rex mecum transeat Chamaam et ego faciam ei quicquid tibi placuerit et omne quod petieris a me inpetrabis
vul@2Samuel:19:39 @ cumque transisset universus populus et rex Iordanem osculatus est rex Berzellai et benedixit ei et ille reversus est in locum suum
vul@2Samuel:19:40 @ transivit ergo rex in Galgalam et Chamaam cum eo omnis autem populus Iuda transduxerat regem et media tantum pars adfuerat de populo Israhel
vul@2Samuel:19:41 @ itaque omnes viri Israhel concurrentes ad regem dixerunt ei quare te furati sunt fratres nostri viri Iuda et transduxerunt regem et domum eius Iordanem omnesque viros David cum eo
vul@2Samuel:19:42 @ et respondit omnis vir Iuda ad viros Israhel quia propior mihi est rex cur irasceris super hac re numquid comedimus aliquid ex rege aut munera nobis data sunt
vul@2Samuel:19:43 @ et respondit vir Israhel ad viros Iuda et ait decem partibus maior ego sum apud regem magisque ad me pertinet David quam ad te cur mihi fecisti iniuriam et non mihi nuntiatum est priori ut reducerem regem meum durius autem responderunt viri Iuda viris Israhel