vul - 2Samuel:24:1-17

vul@2Samuel:24:1 @ et addidit furor Domini irasci contra Israhel commovitque David in eis dicentem vade numera Israhel et Iudam

vul@2Samuel:24:2 @ dixitque rex ad Ioab principem exercitus sui perambula omnes tribus Israhel a Dan usque Bersabee et numerate populum ut sciam numerum eius

vul@2Samuel:24:3 @ dixitque Ioab regi adaugeat Dominus Deus tuus ad populum quantus nunc est iterumque centuplicet in conspectu domini mei regis sed quid sibi dominus meus rex vult in re huiuscemodi

vul@2Samuel:24:4 @ obtinuit autem sermo regis verba Ioab et principum exercitus egressusque est Ioab et principes militum a facie regis ut numerarent populum Israhel

vul@2Samuel:24:5 @ cumque pertransissent Iordanem venerunt in Aroer ad dextram urbis quae est in valle Gad

vul@2Samuel:24:6 @ et per Iazer transierunt in Galaad et in terram inferiorem Hodsi et venerunt in Dan silvestria circumeuntesque iuxta Sidonem

vul@2Samuel:24:7 @ transierunt propter moenia Tyri et omnem terram Hevei et Chananei veneruntque ad meridiem Iuda in Bersabee

vul@2Samuel:24:8 @ et lustrata universa terra adfuerunt post novem menses et viginti dies in Hierusalem

vul@2Samuel:24:9 @ dedit ergo Ioab numerum descriptionis populi regi et inventa sunt de Israhel octingenta milia virorum fortium qui educerent gladium et de Iuda quingenta milia pugnatorum

vul@2Samuel:24:10 @ percussit autem cor David eum postquam numeratus est populus et dixit David ad Dominum peccavi valde in hoc facto sed precor Domine ut transferas iniquitatem servi tui quia stulte egi nimis

vul@2Samuel:24:11 @ surrexit itaque David mane et sermo Domini factus est ad Gad propheten et videntem David dicens

vul@2Samuel:24:12 @ vade et loquere ad David haec dicit Dominus trium tibi datur optio elige unum quod volueris ex his ut faciam tibi

vul@2Samuel:24:13 @ cumque venisset Gad ad David nuntiavit ei dicens aut septem annis veniet tibi fames in terra tua aut tribus mensibus fugies adversarios tuos et illi persequentur aut certe tribus diebus erit pestilentia in terra tua nunc ergo delibera et vide quem respondeam ei qui me misit sermonem

vul@2Samuel:24:14 @ dixit autem David ad Gad artor nimis sed melius est ut incidam in manu Domini multae enim misericordiae eius sunt quam in manu hominis

vul@2Samuel:24:15 @ inmisitque Dominus pestilentiam in Israhel de mane usque ad tempus constitutum et mortui sunt ex populo a Dan usque Bersabee septuaginta milia virorum

vul@2Samuel:24:16 @ cumque extendisset manum angelus Dei super Hierusalem ut disperderet eam misertus est Dominus super adflictione et ait angelo percutienti populum sufficit nunc contine manum tuam erat autem angelus Domini iuxta aream Areuna Iebusei

vul@2Samuel:24:17 @ dixitque David ad Dominum cum vidisset angelum caedentem populum ego sum qui peccavi ego inique egi isti qui oves sunt quid fecerunt vertatur obsecro manus tua contra me et contra domum patris mei