vul - 2Thessalonians:3:6-15

vul@2Thessalonians:3:6 @ denuntiamus autem vobis fratres in nomine Domini nostri Iesu Christi ut subtrahatis vos ab omni fratre ambulante inordinate et non secundum traditionem quam acceperunt a nobis

vul@2Thessalonians:3:7 @ ipsi enim scitis quemadmodum oporteat imitari nos quoniam non inquieti fuimus inter vos

vul@2Thessalonians:3:8 @ neque gratis panem manducavimus ab aliquo sed in labore et fatigatione nocte et die operantes ne quem vestrum gravaremus

vul@2Thessalonians:3:9 @ non quasi non habuerimus potestatem sed ut nosmet ipsos formam daremus vobis ad imitandum nos

vul@2Thessalonians:3:10 @ nam et cum essemus apud vos hoc denuntiabamus vobis quoniam si quis non vult operari nec manducet

vul@2Thessalonians:3:11 @ audimus enim inter vos quosdam ambulare inquiete nihil operantes sed curiose agentes

vul@2Thessalonians:3:12 @ his autem qui eiusmodi sunt denuntiamus et obsecramus in Domino Iesu Christo ut cum silentio operantes suum panem manducent

vul@2Thessalonians:3:13 @ vos autem fratres nolite deficere benefacientes

vul@2Thessalonians:3:14 @ quod si quis non oboedit verbo nostro per epistulam hunc notate et non commisceamini cum illo ut confundatur

vul@2Thessalonians:3:15 @ et nolite quasi inimicum existimare sed corripite ut fratrem