vul - Acts:1:1-11

vul@Acts:1:1 @ primum quidem sermonem feci de omnibus o Theophile quae coepit Iesus facere et docere

vul@Acts:1:2 @ usque in diem qua praecipiens apostolis per Spiritum Sanctum quos elegit adsumptus est

vul@Acts:1:3 @ quibus et praebuit se ipsum vivum post passionem suam in multis argumentis per dies quadraginta apparens eis et loquens de regno Dei

vul@Acts:1:4 @ et convescens praecepit eis ab Hierosolymis ne discederent sed expectarent promissionem Patris quam audistis per os meum

vul@Acts:1:5 @ quia Iohannes quidem baptizavit aqua vos autem baptizabimini Spiritu Sancto non post multos hos dies

vul@Acts:1:6 @ igitur qui convenerant interrogabant eum dicentes Domine si in tempore hoc restitues regnum Israhel

vul@Acts:1:7 @ dixit autem eis non est vestrum nosse tempora vel momenta quae Pater posuit in sua potestate

vul@Acts:1:8 @ sed accipietis virtutem supervenientis Spiritus Sancti in vos et eritis mihi testes in Hierusalem et in omni Iudaea et Samaria et usque ad ultimum terrae

vul@Acts:1:9 @ et cum haec dixisset videntibus illis elevatus est et nubes suscepit eum ab oculis eorum

vul@Acts:1:10 @ cumque intuerentur in caelum eunte illo ecce duo viri adstiterunt iuxta illos in vestibus albis

vul@Acts:1:11 @ qui et dixerunt viri galilaei quid statis aspicientes in caelum hic Iesus qui adsumptus est a vobis in caelum sic veniet quemadmodum vidistis eum euntem in caelum