vul - Acts:10:1-11:18

vul@Acts:10:1 @ vir autem quidam erat in Caesarea nomine Cornelius centurio cohortis quae dicitur Italica

vul@Acts:10:2 @ religiosus et timens Deum cum omni domo sua faciens elemosynas multas plebi et deprecans Deum semper

vul@Acts:10:3 @ vidit in visu manifeste quasi hora nona diei angelum Dei introeuntem ad se et dicentem sibi Corneli

vul@Acts:10:4 @ at ille intuens eum timore correptus dixit quid est domine dixit autem illi orationes tuae et elemosynae tuae ascenderunt in memoriam in conspectu Dei

vul@Acts:10:5 @ et nunc mitte viros in Ioppen et accersi Simonem quendam qui cognominatur Petrus

vul@Acts:10:6 @ hic hospitatur apud Simonem quendam coriarium cuius est domus iuxta mare

vul@Acts:10:7 @ et cum discessisset angelus qui loquebatur illi vocavit duos domesticos suos et militem metuentem Dominum ex his qui illi parebant

vul@Acts:10:8 @ quibus cum narrasset omnia misit illos in Ioppen

vul@Acts:10:9 @ postera autem die iter illis facientibus et adpropinquantibus civitati ascendit Petrus in superiora ut oraret circa horam sextam

vul@Acts:10:10 @ et cum esuriret voluit gustare parantibus autem eis cecidit super eum mentis excessus

vul@Acts:10:11 @ et videt caelum apertum et descendens vas quoddam velut linteum magnum quattuor initiis submitti de caelo in terram

vul@Acts:10:12 @ in quo erant omnia quadrupedia et serpentia terrae et volatilia caeli

vul@Acts:10:13 @ et facta est vox ad eum surge Petre et occide et manduca

vul@Acts:10:14 @ ait autem Petrus absit Domine quia numquam manducavi omne commune et inmundum

vul@Acts:10:15 @ et vox iterum secundo ad eum quae Deus purificavit ne tu commune dixeris

vul@Acts:10:16 @ hoc autem factum est per ter et statim receptum est vas in caelum

vul@Acts:10:17 @ et dum intra se haesitaret Petrus quidnam esset visio quam vidisset ecce viri qui missi erant a Cornelio inquirentes domum Simonis adstiterunt ad ianuam

vul@Acts:10:18 @ et cum vocassent interrogabant si Simon qui cognominatur Petrus illic haberet hospitium

vul@Acts:10:19 @ Petro autem cogitante de visione dixit Spiritus ei ecce viri tres quaerunt te

vul@Acts:10:20 @ surge itaque et descende et vade cum eis nihil dubitans quia ego misi illos

vul@Acts:10:21 @ descendens autem Petrus ad viros dixit ecce ego sum quem quaeritis quae causa est propter quam venistis

vul@Acts:10:22 @ qui dixerunt Cornelius centurio vir iustus et timens Deum et testimonium habens ab universa gente Iudaeorum responsum accepit ab angelo sancto accersire te in domum suam et audire verba abs te

vul@Acts:10:23 @ introducens igitur eos recepit hospitio sequenti autem die surgens profectus est cum eis et quidam ex fratribus ab Ioppe comitati sunt eum

vul@Acts:10:24 @ altera autem die introivit Caesaream Cornelius vero expectabat illos convocatis cognatis suis et necessariis amicis

vul@Acts:10:25 @ et factum est cum introisset Petrus obvius ei Cornelius et procidens ad pedes adoravit

vul@Acts:10:26 @ Petrus vero levavit eum dicens surge et ego ipse homo sum

vul@Acts:10:27 @ et loquens cum illo intravit et invenit multos qui convenerant

vul@Acts:10:28 @ dixitque ad illos vos scitis quomodo abominatum sit viro iudaeo coniungi aut accedere ad alienigenam et mihi ostendit Deus neminem communem aut inmundum dicere hominem

vul@Acts:10:29 @ propter quod sine dubitatione veni accersitus interrogo ergo quam ob causam accersistis me

vul@Acts:10:30 @ et Cornelius ait a nudius quartana die usque in hanc horam orans eram hora nona in domo mea et ecce vir stetit ante me in veste candida et ait

vul@Acts:10:31 @ Corneli exaudita est oratio tua et elemosynae tuae commemoratae sunt in conspectu Dei

vul@Acts:10:32 @ mitte ergo in Ioppen et accersi Simonem qui cognominatur Petrus hic hospitatur in domo Simonis coriarii iuxta mare

vul@Acts:10:33 @ confestim igitur misi ad te et tu bene fecisti veniendo nunc ergo omnes nos in conspectu tuo adsumus audire omnia quaecumque tibi praecepta sunt a Domino

vul@Acts:10:34 @ aperiens autem Petrus os dixit in veritate conperi quoniam non est personarum acceptor Deus

vul@Acts:10:35 @ sed in omni gente qui timet eum et operatur iustitiam acceptus est illi

vul@Acts:10:36 @ verbum misit filiis Israhel adnuntians pacem per Iesum Christum hic est omnium Dominus

vul@Acts:10:37 @ vos scitis quod factum est verbum per universam Iudaeam incipiens enim a Galilaea post baptismum quod praedicavit Iohannes

vul@Acts:10:38 @ Iesum a Nazareth quomodo unxit eum Deus Spiritu Sancto et virtute qui pertransivit benefaciendo et sanando omnes oppressos a diabolo quoniam Deus erat cum illo

vul@Acts:10:39 @ et nos testes sumus omnium quae fecit in regione Iudaeorum et Hierusalem quem et occiderunt suspendentes in ligno

vul@Acts:10:40 @ hunc Deus suscitavit tertia die et dedit eum manifestum fieri

vul@Acts:10:41 @ non omni populo sed testibus praeordinatis a Deo nobis qui manducavimus et bibimus cum illo postquam resurrexit a mortuis

vul@Acts:10:42 @ et praecepit nobis praedicare populo et testificari quia ipse est qui constitutus est a Deo iudex vivorum et mortuorum

vul@Acts:10:43 @ huic omnes prophetae testimonium perhibent remissionem peccatorum accipere per nomen eius omnes qui credunt in eum

vul@Acts:10:44 @ adhuc loquente Petro verba haec cecidit Spiritus Sanctus super omnes qui audiebant verbum

vul@Acts:10:45 @ et obstipuerunt ex circumcisione fideles qui venerant cum Petro quia et in nationes gratia Spiritus Sancti effusa est

vul@Acts:10:46 @ audiebant enim illos loquentes linguis et magnificantes Deum

vul@Acts:10:47 @ tunc respondit Petrus numquid aquam quis prohibere potest ut non baptizentur hii qui Spiritum Sanctum acceperunt sicut et nos

vul@Acts:10:48 @ et iussit eos in nomine Iesu Christi baptizari tunc rogaverunt eum ut maneret aliquot diebus

vul@Acts:11:1 @ audierunt autem apostoli et fratres qui erant in Iudaea quoniam et gentes receperunt verbum Dei

vul@Acts:11:2 @ cum ascendisset autem Petrus in Hierosolymam disceptabant adversus illum qui erant ex circumcisione

vul@Acts:11:3 @ dicentes quare introisti ad viros praeputium habentes et manducasti cum illis

vul@Acts:11:4 @ incipiens autem Petrus exponebat illis ordinem dicens

vul@Acts:11:5 @ ego eram in civitate Ioppe orans et vidi in excessu mentis visionem descendens vas quoddam velut linteum magnum quattuor initiis submitti de caelo et venit usque ad me

vul@Acts:11:6 @ in quod intuens considerabam et vidi quadrupedia terrae et bestias et reptilia et volatilia caeli

vul@Acts:11:7 @ audivi autem et vocem dicentem mihi surgens Petre occide et manduca

vul@Acts:11:8 @ dixi autem nequaquam Domine quia commune aut inmundum numquam introivit in os meum

vul@Acts:11:9 @ respondit autem vox secundo de caelo quae Deus mundavit tu ne commune dixeris

vul@Acts:11:10 @ hoc autem factum est per ter et recepta sunt rursum omnia in caelum

vul@Acts:11:11 @ et ecce confestim tres viri adstiterunt in domo in qua eram missi a Caesarea ad me

vul@Acts:11:12 @ dixit autem Spiritus mihi ut irem cum illis nihil haesitans venerunt autem mecum et sex fratres isti et ingressi sumus in domum viri

vul@Acts:11:13 @ narravit autem nobis quomodo vidisset angelum in domo sua stantem et dicentem sibi mitte in Ioppen et accersi Simonem qui cognominatur Petrus

vul@Acts:11:14 @ qui loquetur tibi verba in quibus salvus eris tu et universa domus tua

vul@Acts:11:15 @ cum autem coepissem loqui decidit Spiritus Sanctus super eos sicut et in nos in initio

vul@Acts:11:16 @ recordatus sum autem verbi Domini sicut dicebat Iohannes quidem baptizavit aqua vos autem baptizabimini Spiritu Sancto

vul@Acts:11:17 @ si ergo eandem gratiam dedit illis Deus sicut et nobis qui credidimus in Dominum Iesum Christum ego quis eram qui possem prohibere Deum

vul@Acts:11:18 @ his auditis tacuerunt et glorificaverunt Deum dicentes ergo et gentibus Deus paenitentiam ad vitam dedit