vul - Acts:15:1-35

vul@Acts:15:1 @ et quidam descendentes de Iudaea docebant fratres quia nisi circumcidamini secundum morem Mosi non potestis salvi fieri

vul@Acts:15:2 @ facta ergo seditione non minima Paulo et Barnabae adversum illos statuerunt ut ascenderent Paulus et Barnabas et quidam alii ex illis ad apostolos et presbyteros in Hierusalem super hac quaestione

vul@Acts:15:3 @ illi igitur deducti ab ecclesia pertransiebant Foenicen et Samariam narrantes conversionem gentium et faciebant gaudium magnum omnibus fratribus

vul@Acts:15:4 @ cum autem venissent Hierosolymam suscepti sunt ab ecclesia et ab apostolis et senioribus adnuntiantes quanta Deus fecisset cum illis

vul@Acts:15:5 @ surrexerunt autem quidam de heresi Pharisaeorum qui crediderant dicentes quia oportet circumcidi eos praecipere quoque servare legem Mosi

vul@Acts:15:6 @ conveneruntque apostoli et seniores videre de verbo hoc

vul@Acts:15:7 @ cum autem magna conquisitio fieret surgens Petrus dixit ad eos viri fratres vos scitis quoniam ab antiquis diebus in nobis elegit Deus per os meum audire gentes verbum evangelii et credere

vul@Acts:15:8 @ et qui novit corda Deus testimonium perhibuit dans illis Spiritum Sanctum sicut et nobis

vul@Acts:15:9 @ et nihil discrevit inter nos et illos fide purificans corda eorum

vul@Acts:15:10 @ nunc ergo quid temptatis Deum inponere iugum super cervicem discipulorum quod neque patres nostri neque nos portare potuimus

vul@Acts:15:11 @ sed per gratiam Domini Iesu credimus salvari quemadmodum et illi

vul@Acts:15:12 @ tacuit autem omnis multitudo et audiebant Barnaban et Paulum narrantes quanta fecisset Deus signa et prodigia in gentibus per eos

vul@Acts:15:13 @ et postquam tacuerunt respondit Iacobus dicens viri fratres audite me

vul@Acts:15:14 @ Simeon narravit quemadmodum primum Deus visitavit sumere ex gentibus populum nomini suo

vul@Acts:15:15 @ et huic concordant verba prophetarum sicut scriptum est

vul@Acts:15:16 @ post haec revertar et aedificabo tabernaculum David quod decidit et diruta eius reaedificabo et erigam illud

vul@Acts:15:17 @ ut requirant ceteri hominum Dominum et omnes gentes super quas invocatum est nomen meum dicit Dominus faciens haec

vul@Acts:15:18 @ notum a saeculo est Domino opus suum

vul@Acts:15:19 @ propter quod ego iudico non inquietari eos qui ex gentibus convertuntur ad Deum

vul@Acts:15:20 @ sed scribere ad eos ut abstineant se a contaminationibus simulacrorum et fornicatione et suffocatis et sanguine

vul@Acts:15:21 @ Moses enim a temporibus antiquis habet in singulis civitatibus qui eum praedicent in synagogis ubi per omne sabbatum legitur

vul@Acts:15:22 @ tunc placuit apostolis et senioribus cum omni ecclesia eligere viros ex eis et mittere Antiochiam cum Paulo et Barnaba Iudam qui cognominatur Barsabban et Silam viros primos in fratribus

vul@Acts:15:23 @ scribentes per manus eorum apostoli et seniores fratres his qui sunt Antiochiae et Syriae et Ciliciae fratribus ex gentibus salutem

vul@Acts:15:24 @ quoniam audivimus quia quidam ex nobis exeuntes turbaverunt vos verbis evertentes animas vestras quibus non mandavimus

vul@Acts:15:25 @ placuit nobis collectis in unum eligere viros et mittere ad vos cum carissimis nostris Barnaba et Paulo

vul@Acts:15:26 @ hominibus qui tradiderunt animas suas pro nomine Domini nostri Iesu Christi

vul@Acts:15:27 @ misimus ergo Iudam et Silam qui et ipsi vobis verbis referent eadem

vul@Acts:15:28 @ visum est enim Spiritui Sancto et nobis nihil ultra inponere vobis oneris quam haec necessario

vul@Acts:15:29 @ ut abstineatis vos ab immolatis simulacrorum et sanguine suffocato et fornicatione a quibus custodientes vos bene agetis valete

vul@Acts:15:30 @ illi igitur dimissi descenderunt Antiochiam et congregata multitudine tradiderunt epistulam

vul@Acts:15:31 @ quam cum legissent gavisi sunt super consolatione

vul@Acts:15:32 @ Iudas autem et Silas et ipsi cum essent prophetae verbo plurimo consolati sunt fratres et confirmaverunt

vul@Acts:15:33 @ facto autem ibi tempore dimissi sunt cum pace a fratribus ad eos qui miserant illos

vul@Acts:15:34 @ [

vul@Acts:15:35 @ Paulus autem et Barnabas demorabantur Antiochiae docentes et evangelizantes cum aliis pluribus verbum Domini