alb - Acts:15:36-16:10

alb@Acts:15:36 @ Pas disa ditësh Pali i tha Barnabës: ``Le të kthehemi të shohim vëllezërit tanë në çdo qytet, ku kemi shpallur fjalën e Perëndisë, për të parë si janë``.

alb@Acts:15:37 @ Dhe Barnaba donte të merrte me vete Gjonin, të quajtur Mark.

alb@Acts:15:38 @ Por Pali mendonte se nuk duhej marrë me vete atë që ishte ndarë prej tyre në Pamfili, dhe nuk kishte shkuar me ata në punë.

alb@Acts:15:39 @ Atëherë lindi një grindje saqë ata u ndanë njëri nga tjetri; pastaj Barnaba, mbasi mori Markun, lundroi për në Qipro.

alb@Acts:15:40 @ Por Pali zgjodhi Silën dhe u nis, pasi vëllezërit e lanë në hir të Perëndisë.

alb@Acts:15:41 @ Dhe përshkoi Sirinë dhe Kilikinë, duke i forcuar kishat.

alb@Acts:16:1 @ Dhe ai arriti në Derbë dhe në Listra; këtu ishte një dishepull me emër Timote, biri i një gruaje judease besimtare, por me baba grek,

alb@Acts:16:2 @ për të cilin jepnin dëshmi të mirë vëllezërit e Listrës dhe të Ikonit.

alb@Acts:16:3 @ Pali deshi që të dilte me të; kështu e mori, e rrethpreu për shkak të Judenjve që ishin në ato vende, sepse të gjithë e dinin se babai i tij ishte grek.

alb@Acts:16:4 @ Dhe, duke kaluar nëpër qytete, i urdhëronin ata të zbatojnë vendimet që ishin marrë nga apostujt dhe nga pleqtë në Jeruzalem.

alb@Acts:16:5 @ Kishat, pra, po forcoheshin në besim dhe rriteshin në numër përditë.

alb@Acts:16:6 @ Kur ata po kalonin nëpër Frigji dhe në krahinën e Galatisë, u penguan nga Fryma e Shenjtë që të shpallin fjalën në Azi.

alb@Acts:16:7 @ Si arritën në kufijtë e Misisë, ata kërkuan të shkojnë në Bitini, por Fryma nuk i lejoi.

alb@Acts:16:8 @ Kështu, pasi e përshkuan Misinë, zbritën në Troas.

alb@Acts:16:9 @ Gjatë natës Palit iu shfaq një vegim. I rrinte para një burrë Maqedonas, që i lutej dhe i thoshte: ``Kalo në Maqedoni dhe na ndihmo``.

alb@Acts:16:10 @ Mbasi e pa vegimin, kërkuam menjëherë të shkojmë në Maqedoni, të bindur se Zoti na kishte thirrur që t`ua shpallim atyre ungjillin.