vul - Acts:15:36-16:10

vul@Acts:15:36 @ post aliquot autem dies dixit ad Barnaban Paulus revertentes visitemus fratres per universas civitates in quibus praedicavimus verbum Domini quomodo se habeant

vul@Acts:15:37 @ Barnabas autem volebat secum adsumere et Iohannem qui cognominatur Marcus

vul@Acts:15:38 @ Paulus autem rogabat eum qui discessisset ab eis a Pamphilia et non isset cum eis in opus non debere recipi eum

vul@Acts:15:39 @ facta est autem dissensio ita ut discederent ab invicem et Barnabas adsumpto Marco navigaret Cyprum

vul@Acts:15:40 @ Paulus vero electo Sila profectus est traditus gratiae Domini a fratribus

vul@Acts:15:41 @ perambulabat autem Syriam et Ciliciam confirmans ecclesias

vul@Acts:16:1 @ pervenit autem in Derben et Lystram et ecce discipulus quidam erat ibi nomine Timotheus filius mulieris iudaeae fidelis patre gentili

vul@Acts:16:2 @ huic testimonium reddebant qui in Lystris erant et Iconii fratres

vul@Acts:16:3 @ hunc voluit Paulus secum proficisci et adsumens circumcidit eum propter Iudaeos qui erant in illis locis sciebant enim omnes quod pater eius gentilis esset

vul@Acts:16:4 @ cum autem pertransirent civitates tradebant eis custodire dogmata quae erant decreta ab apostolis et senioribus qui essent Hierosolymis

vul@Acts:16:5 @ et ecclesiae quidem confirmabantur fide et abundabant numero cotidie

vul@Acts:16:6 @ transeuntes autem Frygiam et Galatiae regionem vetati sunt a Sancto Spiritu loqui verbum in Asia

vul@Acts:16:7 @ cum venissent autem in Mysiam temptabant ire Bithyniam et non permisit eos Spiritus Iesu

vul@Acts:16:8 @ cum autem pertransissent Mysiam descenderunt Troadem

vul@Acts:16:9 @ et visio per noctem Paulo ostensa est vir macedo quidam erat stans et deprecans eum et dicens transiens in Macedoniam adiuva nos

vul@Acts:16:10 @ ut autem visum vidit statim quaesivimus proficisci in Macedoniam certi facti quia vocasset nos Deus evangelizare eis