vul - Acts:21:15-26

vul@Acts:21:15 @ post dies autem istos praeparati ascendebamus Hierusalem

vul@Acts:21:16 @ venerunt autem et ex discipulis a Caesarea nobiscum adducentes apud quem hospitaremur Mnasonem quendam Cyprium antiquum discipulum

vul@Acts:21:17 @ et cum venissemus Hierosolymam libenter exceperunt nos fratres

vul@Acts:21:18 @ sequenti autem die introibat Paulus nobiscum ad Iacobum omnesque collecti sunt seniores

vul@Acts:21:19 @ quos cum salutasset narrabat per singula quae fecisset Deus in gentibus per ministerium ipsius

vul@Acts:21:20 @ at illi cum audissent magnificabant Deum dixeruntque ei vides frater quot milia sint in Iudaeis qui crediderunt et omnes aemulatores sunt legis

vul@Acts:21:21 @ audierunt autem de te quia discessionem doceas a Mose eorum qui per gentes sunt Iudaeorum dicens non debere circumcidere eos filios suos neque secundum consuetudinem ingredi

vul@Acts:21:22 @ quid ergo est utique oportet convenire multitudinem audient enim te supervenisse

vul@Acts:21:23 @ hoc ergo fac quod tibi dicimus sunt nobis viri quattuor votum habentes super se

vul@Acts:21:24 @ his adsumptis sanctifica te cum illis et inpende in illis ut radant capita et scient omnes quia quae de te audierunt falsa sunt sed ambulas et ipse custodiens legem

vul@Acts:21:25 @ de his autem qui crediderunt ex gentibus nos scripsimus iudicantes ut abstineant se ab idolis immolato et sanguine et suffocato et fornicatione

vul@Acts:21:26 @ tunc Paulus adsumptis viris postera die purificatus cum illis intravit in templum adnuntians expletionem dierum purificationis donec offerretur pro unoquoque eorum oblatio