vul - Acts:25:1-12

vul@Acts:25:1 @ Festus ergo cum venisset in provinciam post triduum ascendit Hierosolymam a Caesarea

vul@Acts:25:2 @ adieruntque eum principes sacerdotum et primi Iudaeorum adversus Paulum et rogabant eum

vul@Acts:25:3 @ postulantes gratiam adversum eum ut iuberet perduci eum Hierusalem insidias tendentes ut eum interficerent in via

vul@Acts:25:4 @ Festus autem respondit servari Paulum in Caesarea se autem maturius profecturum

vul@Acts:25:5 @ qui ergo in vobis ait potentes sunt descendentes simul si quod est in viro crimen accusent eum

vul@Acts:25:6 @ demoratus autem inter eos dies non amplius quam octo aut decem descendit Caesaream et altera die sedit pro tribunali et iussit Paulum adduci

vul@Acts:25:7 @ qui cum perductus esset circumsteterunt eum qui ab Hierosolyma descenderant Iudaei multas et graves causas obicientes quas non poterant probare

vul@Acts:25:8 @ Paulo autem rationem reddente quoniam neque in legem Iudaeorum neque in templum neque in Caesarem quicquam peccavi

vul@Acts:25:9 @ Festus autem volens Iudaeis gratiam praestare respondens Paulo dixit vis Hierosolymam ascendere et ibi de his iudicari apud me

vul@Acts:25:10 @ dixit autem Paulus ad tribunal Caesaris sto ubi me oportet iudicari Iudaeis non nocui sicut tu melius nosti

vul@Acts:25:11 @ si enim nocui aut dignum morte aliquid feci non recuso mori si vero nihil est eorum quae hii accusant me nemo potest me illis donare Caesarem appello

vul@Acts:25:12 @ tunc Festus cum consilio locutus respondit Caesarem appellasti ad Caesarem ibis