vul - Acts:27:9-28:10

vul@Acts:27:9 @ multo autem tempore peracto et cum iam non esset tuta navigatio eo quod et ieiunium iam praeterisset consolabatur Paulus

vul@Acts:27:10 @ dicens eis viri video quoniam cum iniuria et multo damno non solum oneris et navis sed etiam animarum nostrarum incipit esse navigatio

vul@Acts:27:11 @ centurio autem gubernatori et nauclerio magis credebat quam his quae a Paulo dicebantur

vul@Acts:27:12 @ et cum aptus portus non esset ad hiemandum plurimi statuerunt consilium navigare inde si quo modo possent devenientes Phoenice hiemare portum Cretae respicientem ad africum et ad chorum

vul@Acts:27:13 @ adspirante autem austro aestimantes propositum se tenere cum sustulissent de Asson legebant Cretam

vul@Acts:27:14 @ non post multum autem misit se contra ipsam ventus typhonicus qui vocatur euroaquilo

vul@Acts:27:15 @ cumque arrepta esset navis et non posset conari in ventum data nave flatibus ferebamur

vul@Acts:27:16 @ insulam autem quandam decurrentes quae vocatur Caudam potuimus vix obtinere scapham

vul@Acts:27:17 @ qua sublata adiutoriis utebantur accingentes navem timentes ne in Syrtim inciderent submisso vase sic ferebantur

vul@Acts:27:18 @ valide autem nobis tempestate iactatis sequenti die iactum fecerunt

vul@Acts:27:19 @ et tertia die suis manibus armamenta navis proiecerunt

vul@Acts:27:20 @ neque sole autem neque sideribus apparentibus per plures dies et tempestate non exigua inminente iam ablata erat spes omnis salutis nostrae

vul@Acts:27:21 @ et cum multa ieiunatio fuisset tunc stans Paulus in medio eorum dixit oportebat quidem o viri audito me non tollere a Creta lucrique facere iniuriam hanc et iacturam

vul@Acts:27:22 @ et nunc suadeo vobis bono animo esse amissio enim nullius animae erit ex vobis praeterquam navis

vul@Acts:27:23 @ adstitit enim mihi hac nocte angelus Dei cuius sum ego et cui deservio

vul@Acts:27:24 @ dicens ne timeas Paule Caesari te oportet adsistere et ecce donavit tibi Deus omnes qui navigant tecum

vul@Acts:27:25 @ propter quod bono animo estote viri credo enim Deo quia sic erit quemadmodum dictum est mihi

vul@Acts:27:26 @ in insulam autem quandam oportet nos devenire

vul@Acts:27:27 @ sed posteaquam quartadecima nox supervenit navigantibus nobis in Hadria circa mediam noctem suspicabantur nautae apparere sibi aliquam regionem

vul@Acts:27:28 @ qui submittentes invenerunt passus viginti et pusillum inde separati invenerunt passus quindecim

vul@Acts:27:29 @ timentes autem ne in aspera loca incideremus de puppi mittentes anchoras quattuor optabant diem fieri

vul@Acts:27:30 @ nautis vero quaerentibus fugere de navi cum misissent scapham in mare sub obtentu quasi a prora inciperent anchoras extendere

vul@Acts:27:31 @ dixit Paulus centurioni et militibus nisi hii in navi manserint vos salvi fieri non potestis

vul@Acts:27:32 @ tunc absciderunt milites funes scaphae et passi sunt eam excidere

vul@Acts:27:33 @ et cum lux inciperet fieri rogabat Paulus omnes sumere cibum dicens quartadecima hodie die expectantes ieiuni permanetis nihil accipientes

vul@Acts:27:34 @ propter quod rogo vos accipere cibum pro salute vestra quia nullius vestrum capillus de capite peribit

vul@Acts:27:35 @ et cum haec dixisset sumens panem gratias egit Deo in conspectu omnium et cum fregisset coepit manducare

vul@Acts:27:36 @ animaequiores autem facti omnes et ipsi adsumpserunt cibum

vul@Acts:27:37 @ eramus vero universae animae in navi ducentae septuaginta sex

vul@Acts:27:38 @ et satiati cibo adleviabant navem iactantes triticum in mare

vul@Acts:27:39 @ cum autem dies factus esset terram non agnoscebant sinum vero quendam considerabant habentem litus in quem cogitabant si possent eicere navem

vul@Acts:27:40 @ et cum anchoras abstulissent committebant se mari simul laxantes iuncturas gubernaculorum et levato artemone secundum flatum aurae tendebant ad litus

vul@Acts:27:41 @ et cum incidissemus in locum bithalassum inpegerunt navem et prora quidem fixa manebat inmobilis puppis vero solvebatur a vi maris

vul@Acts:27:42 @ militum autem consilium fuit ut custodias occiderent ne quis cum enatasset effugeret

vul@Acts:27:43 @ centurio autem volens servare Paulum prohibuit fieri iussitque eos qui possent natare mittere se primos et evadere et ad terram exire

vul@Acts:27:44 @ et ceteros alios in tabulis ferebant quosdam super ea quae de navi essent et sic factum est ut omnes animae evaderent ad terram

vul@Acts:28:1 @ et cum evasissemus tunc cognovimus quia Militene insula vocatur barbari vero praestabant non modicam humanitatem nobis

vul@Acts:28:2 @ accensa enim pyra reficiebant nos omnes propter imbrem qui inminebat et frigus

vul@Acts:28:3 @ cum congregasset autem Paulus sarmentorum aliquantam multitudinem et inposuisset super ignem vipera a calore cum processisset invasit manum eius

vul@Acts:28:4 @ ut vero viderunt barbari pendentem bestiam de manu eius ad invicem dicebant utique homicida est homo hic qui cum evaserit de mari Ultio non sinit vivere

vul@Acts:28:5 @ et ille quidem excutiens bestiam in ignem nihil mali passus est

vul@Acts:28:6 @ at illi existimabant eum in tumorem convertendum et subito casurum et mori diu autem illis sperantibus et videntibus nihil mali in eo fieri convertentes se dicebant eum esse deum

vul@Acts:28:7 @ in locis autem illis erant praedia principis insulae nomine Publii qui nos suscipiens triduo benigne exhibuit

vul@Acts:28:8 @ contigit autem patrem Publii febribus et dysenteria vexatum iacere ad quem Paulus intravit et cum orasset et inposuisset ei manus salvavit eum

vul@Acts:28:9 @ quo facto et omnes qui in insula habebant infirmitates accedebant et curabantur

vul@Acts:28:10 @ qui etiam multis honoribus nos honoraverunt et navigantibus inposuerunt quae necessaria erant