vul - Acts:28:11-31

vul@Acts:28:11 @ post menses autem tres navigavimus in nave alexandrina quae in insula hiemaverat cui erat insigne Castorum

vul@Acts:28:12 @ et cum venissemus Syracusam mansimus ibi triduo

vul@Acts:28:13 @ inde circumlegentes devenimus Regium et post unum diem flante austro secunda die venimus Puteolos

vul@Acts:28:14 @ ubi inventis fratribus rogati sumus manere apud eos dies septem et sic venimus Romam

vul@Acts:28:15 @ et inde cum audissent fratres occurrerunt nobis usque ad Appii Forum et Tribus Tabernis quos cum vidisset Paulus gratias agens Deo accepit fiduciam

vul@Acts:28:16 @ cum venissemus autem Romam permissum est Paulo manere sibimet cum custodiente se milite

vul@Acts:28:17 @ post tertium autem diem convocavit primos Iudaeorum cumque convenissent dicebat eis ego viri fratres nihil adversus plebem faciens aut morem paternum vinctus ab Hierosolymis traditus sum in manus Romanorum

vul@Acts:28:18 @ qui cum interrogationem de me habuissent voluerunt me dimittere eo quod nulla causa esset mortis in me

vul@Acts:28:19 @ contradicentibus autem Iudaeis coactus sum appellare Caesarem non quasi gentem meam habens aliquid accusare

vul@Acts:28:20 @ propter hanc igitur causam rogavi vos videre et adloqui propter spem enim Israhel catena hac circumdatus sum

vul@Acts:28:21 @ at illi dixerunt ad eum nos neque litteras accepimus de te a Iudaea neque adveniens aliquis fratrum nuntiavit aut locutus est quid de te malum

vul@Acts:28:22 @ rogamus autem a te audire quae sentis nam de secta hac notum est nobis quia ubique ei contradicitur

vul@Acts:28:23 @ cum constituissent autem illi diem venerunt ad eum in hospitium plures quibus exponebat testificans regnum Dei suadensque eos de Iesu ex lege Mosi et prophetis a mane usque ad vesperam

vul@Acts:28:24 @ et quidam credebant his quae dicebantur quidam vero non credebant

vul@Acts:28:25 @ cumque invicem non essent consentientes discedebant dicente Paulo unum verbum quia bene Spiritus Sanctus locutus est per Esaiam prophetam ad patres nostros

vul@Acts:28:26 @ dicens vade ad populum istum et dic aure audietis et non intellegetis et videntes videbitis et non perspicietis

vul@Acts:28:27 @ incrassatum est enim cor populi huius et auribus graviter audierunt et oculos suos conpresserunt ne forte videant oculis et auribus audiant et corde intellegant et convertantur et sanem illos

vul@Acts:28:28 @ notum ergo sit vobis quoniam gentibus missum est hoc salutare Dei ipsi et audient

vul@Acts:28:29 @ [

vul@Acts:28:30 @ mansit autem biennio toto in suo conducto et suscipiebat omnes qui ingrediebantur ad eum