Acts:4:32-5:11
vul@Acts:4:32 @ multitudinis autem credentium erat cor et anima una nec quisquam eorum quae possidebant aliquid suum esse dicebat sed erant illis omnia communia
vul@Acts:4:33 @ et virtute magna reddebant apostoli testimonium resurrectionis Iesu Christi Domini et gratia magna erat in omnibus illis
vul@Acts:4:34 @ neque enim quisquam egens erat inter illos quotquot enim possessores agrorum aut domorum erant vendentes adferebant pretia eorum quae vendebant
vul@Acts:4:35 @ et ponebant ante pedes apostolorum dividebantur autem singulis prout cuique opus erat
vul@Acts:4:36 @ Ioseph autem qui cognominatus est Barnabas ab apostolis quod est interpretatum Filius consolationis Levites Cyprius genere
vul@Acts:4:37 @ cum haberet agrum vendidit illum et adtulit pretium et posuit ante pedes apostolorum
vul@Acts:5:1 @ vir autem quidam nomine Ananias cum Saffira uxore sua vendidit agrum
vul@Acts:5:2 @ et fraudavit de pretio agri conscia uxore sua et adferens partem quandam ad pedes apostolorum posuit
vul@Acts:5:3 @ dixit autem Petrus Anania cur temptavit Satanas cor tuum mentiri te Spiritui Sancto et fraudare de pretio agri
vul@Acts:5:4 @ nonne manens tibi manebat et venundatum in tua erat potestate quare posuisti in corde tuo hanc rem non es mentitus hominibus sed Deo
vul@Acts:5:5 @ audiens autem Ananias haec verba cecidit et exspiravit et factus est timor magnus in omnes qui audierant
vul@Acts:5:6 @ surgentes autem iuvenes amoverunt eum et efferentes sepelierunt
vul@Acts:5:7 @ factum est autem quasi horarum trium spatium et uxor ipsius nesciens quod factum fuerat introiit
vul@Acts:5:8 @ respondit autem ei Petrus dic mihi si tanti agrum vendidistis at illa dixit etiam tanti
vul@Acts:5:9 @ Petrus autem ad eam quid utique convenit vobis temptare Spiritum Domini ecce pedes eorum qui sepelierunt virum tuum ad ostium et efferent te
vul@Acts:5:10 @ confestim cecidit ante pedes eius et exspiravit intrantes autem iuvenes invenerunt illam mortuam et extulerunt et sepelierunt ad virum suum
vul@Acts:5:11 @ et factus est timor magnus in universa ecclesia et in omnes qui audierunt haec