Acts:5:12-42
vul@Acts:5:12 @ per manus autem apostolorum fiebant signa et prodigia multa in plebe et erant unianimiter omnes in porticu Salomonis
vul@Acts:5:13 @ ceterorum autem nemo audebat coniungere se illis sed magnificabat eos populus
vul@Acts:5:14 @ magis autem augebatur credentium in Domino multitudo virorum ac mulierum
vul@Acts:5:15 @ ita ut in plateas eicerent infirmos et ponerent in lectulis et grabattis ut veniente Petro saltim umbra illius obumbraret quemquam eorum
vul@Acts:5:16 @ concurrebat autem et multitudo vicinarum civitatum Hierusalem adferentes aegros et vexatos ab spiritibus inmundis qui curabantur omnes
vul@Acts:5:17 @ exsurgens autem princeps sacerdotum et omnes qui cum illo erant quae est heresis Sadducaeorum repleti sunt zelo
vul@Acts:5:18 @ et iniecerunt manus in apostolos et posuerunt illos in custodia publica
vul@Acts:5:19 @ angelus autem Domini per noctem aperiens ianuas carceris et educens eos dixit
vul@Acts:5:20 @ ite et stantes loquimini in templo plebi omnia verba vitae huius
vul@Acts:5:21 @ qui cum audissent intraverunt diluculo in templum et docebant adveniens autem princeps sacerdotum et qui cum eo erant convocaverunt concilium et omnes seniores filiorum Israhel et miserunt in carcerem ut adducerentur
vul@Acts:5:22 @ cum venissent autem ministri et aperto carcere non invenissent illos reversi nuntiaverunt
vul@Acts:5:23 @ dicentes carcerem quidem invenimus clausum cum omni diligentia et custodes stantes ad ianuas aperientes autem neminem intus invenimus
vul@Acts:5:24 @ ut audierunt autem hos sermones magistratus templi et principes sacerdotum ambigebant de illis quidnam fieret
vul@Acts:5:25 @ adveniens autem quidam nuntiavit eis quia ecce viri quos posuistis in carcere sunt in templo stantes et docentes populum
vul@Acts:5:26 @ tunc abiit magistratus cum ministris et adduxit illos sine vi timebant enim populum ne lapidarentur
vul@Acts:5:27 @ et cum adduxissent illos statuerunt in concilio et interrogavit eos princeps sacerdotum
vul@Acts:5:28 @ dicens praecipiendo praecepimus vobis ne doceretis in nomine isto et ecce replestis Hierusalem doctrina vestra et vultis inducere super nos sanguinem hominis istius
vul@Acts:5:29 @ respondens autem Petrus et apostoli dixerunt oboedire oportet Deo magis quam hominibus
vul@Acts:5:30 @ Deus patrum nostrorum suscitavit Iesum quem vos interemistis suspendentes in ligno
vul@Acts:5:31 @ hunc Deus principem et salvatorem exaltavit dextera sua ad dandam paenitentiam Israhel et remissionem peccatorum
vul@Acts:5:32 @ et nos sumus testes horum verborum et Spiritus Sanctus quem dedit Deus omnibus oboedientibus sibi
vul@Acts:5:33 @ haec cum audissent dissecabantur et cogitabant interficere illos
vul@Acts:5:34 @ surgens autem quidam in concilio Pharisaeus nomine Gamalihel legis doctor honorabilis universae plebi iussit foras ad breve homines fieri
vul@Acts:5:35 @ dixitque ad illos viri israhelitae adtendite vobis super hominibus istis quid acturi sitis
vul@Acts:5:36 @ ante hos enim dies extitit Theodas dicens esse se aliquem cui consensit virorum numerus circiter quadringentorum qui occisus est et omnes quicumque credebant ei dissipati sunt et redactus est ad nihilum
vul@Acts:5:37 @ post hunc extitit Iudas Galilaeus in diebus professionis et avertit populum post se et ipse periit et omnes quotquot consenserunt ei dispersi sunt
vul@Acts:5:38 @ et nunc itaque dico vobis discedite ab hominibus istis et sinite illos quoniam si est ex hominibus consilium hoc aut opus dissolvetur
vul@Acts:5:39 @ si vero ex Deo est non poteritis dissolvere eos ne forte et Deo repugnare inveniamini consenserunt autem illi
vul@Acts:5:40 @ et convocantes apostolos caesis denuntiaverunt ne loquerentur in nomine Iesu et dimiserunt eos
vul@Acts:5:41 @ et illi quidem ibant gaudentes a conspectu concilii quoniam digni habiti sunt pro nomine Iesu contumeliam pati
vul@Acts:5:42 @ omni autem die in templo et circa domos non cessabant docentes et evangelizantes Christum Iesum