vul - Acts:6:1-7

vul@Acts:6:1 @ in diebus autem illis crescente numero discipulorum factus est murmur Graecorum adversus Hebraeos eo quod dispicerentur in ministerio cotidiano viduae eorum

vul@Acts:6:2 @ convocantes autem duodecim multitudinem discipulorum dixerunt non est aequum nos derelinquere verbum Dei et ministrare mensis

vul@Acts:6:3 @ considerate ergo fratres viros ex vobis boni testimonii septem plenos Spiritu et sapientia quos constituamus super hoc opus

vul@Acts:6:4 @ nos vero orationi et ministerio verbi instantes erimus

vul@Acts:6:5 @ et placuit sermo coram omni multitudine et elegerunt Stephanum virum plenum fide et Spiritu Sancto et Philippum et Prochorum et Nicanorem et Timonem et Parmenam et Nicolaum advenam Antiochenum

vul@Acts:6:6 @ hos statuerunt ante conspectum apostolorum et orantes inposuerunt eis manus

vul@Acts:6:7 @ et verbum Dei crescebat et multiplicabatur numerus discipulorum in Hierusalem valde multa etiam turba sacerdotum oboediebat fidei