vul - Acts:7:1-53

vul@Acts:7:1 @ dixit autem princeps sacerdotum si haec ita se habent

vul@Acts:7:2 @ qui ait viri fratres et patres audite Deus gloriae apparuit patri nostro Abraham cum esset in Mesopotamiam priusquam moraretur in Charram

vul@Acts:7:3 @ et dixit ad illum exi de terra tua et de cognatione tua et veni in terram quam tibi monstravero

vul@Acts:7:4 @ tunc exiit de terra Chaldeorum et habitavit in Charram et inde postquam mortuus est pater eius transtulit illum in terram istam in qua nunc vos habitatis

vul@Acts:7:5 @ et non dedit illi hereditatem in ea nec passum pedis et repromisit dare illi eam in possessionem et semini eius post ipsum cum non haberet filium

vul@Acts:7:6 @ locutus est autem Deus quia erit semen eius accola in terra aliena et servituti eos subicient et male tractabunt eos annis quadringentis

vul@Acts:7:7 @ et gentem cui servierint iudicabo ego dixit Deus et post haec exibunt et deservient mihi in loco isto

vul@Acts:7:8 @ et dedit illi testamentum circumcisionis et sic genuit Isaac et circumcidit eum die octava et Isaac Iacob et Iacob duodecim patriarchas

vul@Acts:7:9 @ et patriarchae aemulantes Ioseph vendiderunt in Aegyptum et erat Deus cum eo

vul@Acts:7:10 @ et eripuit eum ex omnibus tribulationibus eius et dedit ei gratiam et sapientiam in conspectu Pharaonis regis Aegypti et constituit eum praepositum super Aegyptum et super omnem domum suam

vul@Acts:7:11 @ venit autem fames in universam Aegyptum et Chanaan et tribulatio magna et non inveniebant cibos patres nostri

vul@Acts:7:12 @ cum audisset autem Iacob esse frumentum in Aegypto misit patres nostros primum

vul@Acts:7:13 @ et in secundo cognitus est Ioseph a fratribus suis et manifestatum est Pharaoni genus eius

vul@Acts:7:14 @ mittens autem Ioseph accersivit Iacob patrem suum et omnem cognationem in animabus septuaginta quinque

vul@Acts:7:15 @ et descendit Iacob in Aegyptum et defunctus est ipse et patres nostri

vul@Acts:7:16 @ et translati sunt in Sychem et positi sunt in sepulchro quod emit Abraham pretio argenti a filiis Emmor filii Sychem

vul@Acts:7:17 @ cum adpropinquaret autem tempus repromissionis quam confessus erat Deus Abrahae crevit populus et multiplicatus est in Aegypto

vul@Acts:7:18 @ quoadusque surrexit rex alius in Aegypto qui non sciebat Ioseph

vul@Acts:7:19 @ hic circumveniens genus nostrum adflixit patres ut exponerent infantes suos ne vivificarentur

vul@Acts:7:20 @ eodem tempore natus est Moses et fuit gratus Deo qui nutritus est tribus mensibus in domo patris sui

vul@Acts:7:21 @ exposito autem illo sustulit eum filia Pharaonis et enutrivit eum sibi in filium

vul@Acts:7:22 @ et eruditus est Moses omni sapientia Aegyptiorum et erat potens in verbis et in operibus suis

vul@Acts:7:23 @ cum autem impleretur ei quadraginta annorum tempus ascendit in cor eius ut visitaret fratres suos filios Israhel

vul@Acts:7:24 @ et cum vidisset quendam iniuriam patientem vindicavit illum et fecit ultionem ei qui iniuriam sustinebat percusso Aegyptio

vul@Acts:7:25 @ existimabat autem intellegere fratres quoniam Deus per manum ipsius daret salutem illis at illi non intellexerunt

vul@Acts:7:26 @ sequenti vero die apparuit illis litigantibus et reconciliabat eos in pacem dicens viri fratres estis ut quid nocetis alterutrum

vul@Acts:7:27 @ qui autem iniuriam faciebat proximo reppulit eum dicens quis te constituit principem et iudicem super nos

vul@Acts:7:28 @ numquid interficere me tu vis quemadmodum interfecisti heri Aegyptium

vul@Acts:7:29 @ fugit autem Moses in verbo isto et factus est advena in terra Madiam ubi generavit filios duos

vul@Acts:7:30 @ et expletis annis quadraginta apparuit illi in deserto montis Sina angelus in igne flammae rubi

vul@Acts:7:31 @ Moses autem videns admiratus est visum et accedente illo ut consideraret facta est vox Domini

vul@Acts:7:32 @ ego Deus patrum tuorum Deus Abraham et Deus Isaac et Deus Iacob tremefactus autem Moses non audebat considerare

vul@Acts:7:33 @ dixit autem illi Dominus solve calciamentum pedum tuorum locus enim in quo stas terra sancta est

vul@Acts:7:34 @ videns vidi adflictionem populi mei qui est in Aegypto et gemitum eorum audivi et descendi liberare eos et nunc veni et mittam te in Aegyptum

vul@Acts:7:35 @ hunc Mosen quem negaverunt dicentes quis te constituit principem et iudicem hunc Deus principem et redemptorem misit cum manu angeli qui apparuit illi in rubo

vul@Acts:7:36 @ hic eduxit illos faciens prodigia et signa in terra Aegypti et in Rubro mari et in deserto annis quadraginta

vul@Acts:7:37 @ hic est Moses qui dixit filiis Israhel prophetam vobis suscitabit Deus de fratribus vestris tamquam me

vul@Acts:7:38 @ hic est qui fuit in ecclesia in solitudine cum angelo qui loquebatur ei in monte Sina et cum patribus nostris qui accepit verba vitae dare nobis

vul@Acts:7:39 @ cui noluerunt oboedire patres nostri sed reppulerunt et aversi sunt cordibus suis in Aegyptum

vul@Acts:7:40 @ dicentes ad Aaron fac nobis deos qui praecedant nos Moses enim hic qui eduxit nos de terra Aegypti nescimus quid factum sit ei

vul@Acts:7:41 @ et vitulum fecerunt in illis diebus et obtulerunt hostiam simulacro et laetabantur in operibus manuum suarum

vul@Acts:7:42 @ convertit autem Deus et tradidit eos servire militiae caeli sicut scriptum est in libro Prophetarum numquid victimas aut hostias obtulistis mihi annis quadraginta in deserto domus Israhel

vul@Acts:7:43 @ et suscepistis tabernaculum Moloch et sidus dei vestri Rempham figuras quas fecistis adorare eas et transferam vos trans Babylonem

vul@Acts:7:44 @ tabernaculum testimonii fuit patribus nostris in deserto sicut disposuit loquens ad Mosen ut faceret illud secundum formam quam viderat

vul@Acts:7:45 @ quod et induxerunt suscipientes patres nostri cum Iesu in possessionem gentium quas expulit Deus a facie patrum nostrorum usque in diebus David

vul@Acts:7:46 @ qui invenit gratiam ante Deum et petiit ut inveniret tabernaculum Deo Iacob

vul@Acts:7:47 @ Salomon autem aedificavit illi domum

vul@Acts:7:48 @ sed non Excelsus in manufactis habitat sicut propheta dicit

vul@Acts:7:49 @ caelum mihi sedis est terra autem scabillum pedum meorum quam domum aedificabitis mihi dicit Dominus aut quis locus requietionis meae est

vul@Acts:7:50 @ nonne manus mea fecit haec omnia

vul@Acts:7:51 @ dura cervice et incircumcisi cordibus et auribus vos semper Spiritui Sancto resistitis sicut patres vestri et vos

vul@Acts:7:52 @ quem prophetarum non sunt persecuti patres vestri et occiderunt eos qui praenuntiabant de adventu Iusti cuius vos nunc proditores et homicidae fuistis

vul@Acts:7:53 @ qui accepistis legem in dispositionem angelorum et non custodistis