vul - Acts:9:1-25

vul@Acts:9:1 @ Saulus autem adhuc inspirans minarum et caedis in discipulos Domini accessit ad principem sacerdotum

vul@Acts:9:2 @ et petiit ab eo epistulas in Damascum ad synagogas ut si quos invenisset huius viae viros ac mulieres vinctos perduceret in Hierusalem

vul@Acts:9:3 @ et cum iter faceret contigit ut adpropinquaret Damasco et subito circumfulsit eum lux de caelo

vul@Acts:9:4 @ et cadens in terram audivit vocem dicentem sibi Saule Saule quid me persequeris

vul@Acts:9:5 @ qui dixit quis es Domine et ille ego sum Iesus quem tu persequeris

vul@Acts:9:6 @ [

vul@Acts:9:7 @ sed surge et ingredere civitatem et dicetur tibi quid te oporteat facere viri autem illi qui comitabantur cum eo stabant stupefacti audientes quidem vocem neminem autem videntes

vul@Acts:9:8 @ surrexit autem Saulus de terra apertisque oculis nihil videbat ad manus autem illum trahentes introduxerunt Damascum

vul@Acts:9:9 @ et erat tribus diebus non videns et non manducavit neque bibit

vul@Acts:9:10 @ erat autem quidam discipulus Damasci nomine Ananias et dixit ad illum in visu Dominus Anania at ille ait ecce ego Domine

vul@Acts:9:11 @ et Dominus ad illum surgens vade in vicum qui vocatur Rectus et quaere in domo Iudae Saulum nomine Tarsensem ecce enim orat

vul@Acts:9:12 @ et vidit virum Ananiam nomine introeuntem et inponentem sibi manus ut visum recipiat

vul@Acts:9:13 @ respondit autem Ananias Domine audivi a multis de viro hoc quanta mala sanctis tuis fecerit in Hierusalem

vul@Acts:9:14 @ et hic habet potestatem a principibus sacerdotum alligandi omnes qui invocant nomen tuum

vul@Acts:9:15 @ dixit autem ad eum Dominus vade quoniam vas electionis est mihi iste ut portet nomen meum coram gentibus et regibus et filiis Israhel

vul@Acts:9:16 @ ego enim ostendam illi quanta oporteat eum pro nomine meo pati

vul@Acts:9:17 @ et abiit Ananias et introivit in domum et inponens ei manus dixit Saule frater Dominus misit me Iesus qui apparuit tibi in via qua veniebas ut videas et implearis Spiritu Sancto

vul@Acts:9:18 @ et confestim ceciderunt ab oculis eius tamquam squamae et visum recepit et surgens baptizatus est

vul@Acts:9:19 @ et cum accepisset cibum confortatus est fuit autem cum discipulis qui erant Damasci per dies aliquot

vul@Acts:9:20 @ et continuo in synagogis praedicabat Iesum quoniam hic est Filius Dei

vul@Acts:9:21 @ stupebant autem omnes qui audiebant et dicebant nonne hic est qui expugnabat in Hierusalem eos qui invocabant nomen istud et huc ad hoc venit ut vinctos illos duceret ad principes sacerdotum

vul@Acts:9:22 @ Saulus autem magis convalescebat et confundebat Iudaeos qui habitabant Damasci adfirmans quoniam hic est Christus

vul@Acts:9:23 @ cum implerentur autem dies multi consilium fecerunt Iudaei ut eum interficerent

vul@Acts:9:24 @ notae autem factae sunt Saulo insidiae eorum custodiebant autem et portas die ac nocte ut eum interficerent

vul@Acts:9:25 @ accipientes autem discipuli eius nocte per murum dimiserunt eum submittentes in sporta