vul - Acts:9:36-43

vul@Acts:9:36 @ in Ioppe autem fuit quaedam discipula nomine Tabitas quae interpretata dicitur Dorcas haec erat plena operibus bonis et elemosynis quas faciebat

vul@Acts:9:37 @ factum est autem in diebus illis ut infirmata moreretur quam cum lavissent posuerunt eam in cenaculo

vul@Acts:9:38 @ cum autem prope esset Lydda ab Ioppe discipuli audientes quia Petrus esset in ea miserunt duos viros ad eum rogantes ne pigriteris venire usque ad nos

vul@Acts:9:39 @ exsurgens autem Petrus venit cum illis et cum advenisset duxerunt illum in cenaculum et circumsteterunt illum omnes viduae flentes et ostendentes tunicas et vestes quas faciebat illis Dorcas

vul@Acts:9:40 @ eiectis autem omnibus foras Petrus ponens genua oravit et conversus ad corpus dixit Tabita surge at illa aperuit oculos suos et viso Petro resedit

vul@Acts:9:41 @ dans autem illi manum erexit eam et cum vocasset sanctos et viduas adsignavit eam vivam

vul@Acts:9:42 @ notum autem factum est per universam Ioppen et crediderunt multi in Domino

vul@Acts:9:43 @ factum est autem ut dies multos moraretur in Ioppe apud quendam Simonem coriarium