Amos:1:3-2:5
vul@Amos:1:3 @ haec dicit Dominus super tribus sceleribus Damasci et super quattuor non convertam eum eo quod trituraverint in plaustris ferreis Galaad
vul@Amos:1:4 @ et mittam ignem in domum Azahel et devorabit domos Benadad
vul@Amos:1:5 @ et conteram vectem Damasci et disperdam habitatorem de campo Idoli et tenentem sceptrum de domo Voluptatis et transferetur populus Syriae Cyrenen dicit Dominus
vul@Amos:1:6 @ haec dicit Dominus super tribus sceleribus Gazae et super quattuor non convertam eum eo quod transtulerit captivitatem perfectam ut concluderet eam in Idumea
vul@Amos:1:7 @ et mittam ignem in murum Gazae et devorabit aedes eius
vul@Amos:1:8 @ et disperdam habitatorem de Azoto et tenentem sceptrum de Ascalone et convertam manum meam super Accaron et peribunt reliqui Philisthinorum dicit Dominus Deus
vul@Amos:1:9 @ haec dicit Dominus super tribus sceleribus Tyri et super quattuor non convertam eum eo quod concluserint captivitatem perfectam in Idumea et non sint recordati foederis fratrum
vul@Amos:1:10 @ et emittam ignem in murum Tyri et devorabit aedes eius
vul@Amos:1:11 @ haec dicit Dominus super tribus sceleribus Edom et super quattuor non convertam eum eo quod persecutus sit in gladio fratrem suum et violaverit misericordiam eius et tenuerit ultra furorem suum et indignationem suam servaverit usque in finem
vul@Amos:1:12 @ mittam ignem in Theman et devorabit aedes Bosrae
vul@Amos:1:13 @ haec dicit Dominus super tribus sceleribus filiorum Ammon et super quattuor non convertam eum eo quod dissecuerit praegnantes Galaad ad dilatandum terminum suum
vul@Amos:1:14 @ et succendam ignem in muro Rabbae et devorabit aedes eius in ululatu in die belli et in turbine in die commotionis
vul@Amos:1:15 @ et ibit Melchom in captivitatem ipse et principes eius simul dicit Dominus
vul@Amos:2:1 @ haec dicit Dominus super tribus sceleribus Moab et super quattuor non convertam eum eo quod incenderit ossa regis Idumeae usque ad cinerem
vul@Amos:2:2 @ et mittam ignem in Moab et devorabit aedes Carioth et morietur in sonitu Moab in clangore tubae
vul@Amos:2:3 @ et disperdam iudicem de medio eius et omnes principes eius interficiam cum eo dicit Dominus
vul@Amos:2:4 @ haec dicit Dominus super tribus sceleribus Iuda et super quattuor non convertam eum eo quod abiecerint legem Domini et mandata eius non custodierint deceperunt enim eos idola sua post quae abierant patres eorum
vul@Amos:2:5 @ et mittam ignem in Iuda et devorabit aedes Hierusalem