Amos:5:1-17
vul@Amos:5:1 @ audite verbum istud quod ego levo super vos planctum domus Israhel cecidit non adiciet ut resurgat
vul@Amos:5:2 @ virgo Israhel proiecta est in terram suam non est qui suscitet eam
vul@Amos:5:3 @ quia haec dicit Dominus Deus urbs de qua egrediebantur mille relinquentur in ea centum et de qua egrediebantur centum relinquentur in ea decem in domo Israhel
vul@Amos:5:4 @ quia haec dicit Dominus domui Israhel quaerite me et vivetis
vul@Amos:5:5 @ et nolite quaerere Bethel et in Galgala nolite intrare et in Bersabee non transibitis quia Galgala captiva ducetur et Bethel erit inutilis
vul@Amos:5:6 @ quaerite Dominum et vivite ne forte conburatur ut ignis domus Ioseph et devorabit et non erit qui extinguat Bethel
vul@Amos:5:7 @ qui convertitis in absinthium iudicium et iustitiam in terra relinquitis
vul@Amos:5:8 @ facientem Arcturum et Orionem et convertentem in mane tenebras et diem nocte mutantem qui vocat aquas maris et effundit eas super faciem terrae Dominus nomen eius
vul@Amos:5:9 @ qui subridet vastitatem super robustum et depopulationem super potentem adfert
vul@Amos:5:10 @ odio habuerunt in porta corripientem et loquentem perfecte abominati sunt
vul@Amos:5:11 @ idcirco pro eo quod diripiebatis pauperem et praedam electam tollebatis ab eo domos quadro lapide aedificabitis et non habitabitis in eis vineas amantissimas plantabitis et non bibetis vinum earum
vul@Amos:5:12 @ quia cognovi multa scelera vestra et fortia peccata vestra hostes iusti accipientes munus et pauperes in porta deprimentes
vul@Amos:5:13 @ ideo prudens in tempore illo tacebit quia tempus malum est
vul@Amos:5:14 @ quaerite bonum et non malum ut vivatis et erit Dominus Deus exercituum vobiscum sicut dixistis
vul@Amos:5:15 @ odite malum et diligite bonum et constituite in porta iudicium si forte misereatur Dominus Deus exercituum reliquiis Ioseph
vul@Amos:5:16 @ propterea haec dicit Dominus Deus exercituum Dominator in omnibus plateis planctus et in cunctis quae foris sunt dicetur vae vae et vocabunt agricolam ad luctum et ad planctum eos qui sciunt plangere
vul@Amos:5:17 @ et in omnibus vineis erit planctus quia pertransibo in medio tui dicit Dominus